کراچی کی خبریں 27/12/2016

Posted on December 27, 2016 By Mohammad Waseem سٹی نیوز, کراچی

وزیر دفاع کی غیر ذمہ داری قومی مستقبل کیلئے خطرناک ہے‘ ایم آر پی
وفاقی وزیردفاع کا غیر ذمہ دارانہ بیان پاکستان دشمنوں کیلئے بہترین ہتھیار کا کام دیگا ‘ امیر پٹی
وزیردفاع کو عہدے پر برقرار رکھنا وزیر موصوف کے بیان کوعالمی سطح پر حکومتی پالیسی سمجھا جائیگا
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیرپٹی نے وفاقی وزیردفاع ووزیر پانی و بجلی خواجہ محمد آصف کی شعلہ بیانی سے دنیا میں بھر میں ہونے والی پاکستان کی جگ ہنسائی پر اظہار افسوس کرتے ہوئے کہا ہے کہ اس صداقت سے انکار کسی طور ممکن نہیں کہ حکومتی جماعت کے قائدین و اراکین اور وزیر و مشیران دماغ سے زیادہ زبان اور اقدام سے زیادہ بیان سے کام لینے کے عادی ہیں اور ہٹ دھرمی ‘ بہتان تراشی ‘ خود ساختہ جمہوریت پرستی وحب الوطنی ان کا شیوہ اور پکڑ میں نہ آنے والی کرپشن کیساتھ اداروں کو مفلوج و غلام بنانے ان کا وطیرہ ہے جس کی وجہ سے عوام کا مستقبل اور پاکستان کا تحفظ و سلامتی دا ¶ پر لگے ہوئے ہیں مگر اسکے باوجود حکومتی جماعت کے رہبر و رہنما کردار کی اصلاح کی بجائے مسلسل زبان درازی میں مصروف ہیں اور وفاقی وزیر دفاع خواجہ محمد آصف کی اسرائیل کیخلاف غیر ذمہ دارانہ زبانی جنگ پاکستان کی عالمی بدنامی کا باعث اور دنیا کے امن کیلئے ایٹمی جنگ کا خطرہ بن گئی ہے ۔ امیر پٹی نے مزید کہا کہ وزیرموصوف کے ٹوئٹر بیان نے پاکستان کے ایٹمی اثاثوں کیخلاف عالمی لابنگ کی راہ ہموار کرکے پاکستان کے مستقبل کیلئے خطرات پیدا کردیئے ہیں حکومت نے وزیر موصوف کی اس غیر ذمہ داری پر ایکشن نہیں لیا ور انہیں وزیر دفاع کے حساس عہدے پر برقرار رکھا تو عالمی سطح پر یہی پیغام جائیگا کہ وزیر موصوف کا بیان حکومتی پالیسی کا حصہ ہے جو پاکستان کے ایٹمی اثاثوں کیلئے خطرات میں مزید اضافہ کریگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت جان گیا ہے کہ کشمیر پر تادیر قبضہ برقرار رکھنا ممکن نہیں! ‘جی کیو ایم
مسئلہ کشمیر وجونا گڑھ کے حل میں تاخیر بھارتی و پاکستانی معاشی واقتصادی ترقی کی راہ میں رکاوٹ ہے
کشمیرو جونا گڑھ کے مسائل کا حل دونوں ممالک کی معیشت کی تیز رفتار ترقی کیلئے موزوں و سودمند ہوگا
کراچی ( اسٹاف رپورٹر) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے سابق بھارتی وزیر خارجہ یشونت سنہا کی جانب سے مسئلہ کشمیر پر مذاکرات کی اہمیت اور ان مذاکرات میں حریت کانفرنس کی شمولیت کی تجویز کو پاکستان و کشمیریوں کے مو ¿قف کی اخلاقی فتح قرار دیتے ہوئے کہا کہ قرائن بتارہے ہیں کہ کشمیریوں کی تحریک آزادی میں دی جانے والی قربانیاں رنگ لارہی ہیں اور بھارت کو محسوس ہونے لگا ہے کہ اب کشمیر پر تادیر قبضہ برقرار رکھنا اسکیلئے ممکن نہیں رہا ہے جو اس بات کا متقاضی ہے کہ اقوام متحدہ سامراجی کردار اور بھارت نواز جانبدارانہ کردار کی ادائیگی چھوڑ کر مسئلہ کشمیر ومسئلہ جونا گڑھ کے حوالے سے اپنی قراردادوں پر عملدرآمد یقینی بنوائے کیونکہ کشمیر اور جونا گڑھ دونوں نے ہی ہر حال میں پاکستان کا حصہ بننا ہے فرق صرف اتنا ہے کہ اس عمل میں تاخیر پاکستان و بھارت کے عوام کو معاشی خوشحالیوں سے محروم کررہی ہے اور ان مسائل کا فوری حل دونوں ممالک کے درمیان دوستانہ و تجارتی تعلقات کی بحالی کا باعث بن کر دونوں کی معیشت کی تیز رفتار ترقی کیلئے موزوں و سودمندثابت ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجسٹریسی نظام کی بحالی منتخب بلدیاتی اداروں پر شبخون ہے ‘ راجونی اتحاد
مجسٹریسی نظام کی بحالی عوام اور بلدیاتی اداروں دونوں کو ہی یرغمال و غلام بنانے کی سازش ہے
مجسٹریسی نظا م کی بحالی سے آئندہ قومی انتخابات میں دھاندلی کی منظم سازش کی بو بھی آرہی ہے !
کراچی ( اسٹاف رپورٹر ) پنجاب حکومت کی جانب سے سول ایڈمنسٹریشن آرڈینسن 2016ءکی منظوری کے ذریعے ڈی سی اوز کے خاتمے اور ڈپٹی کمشنرز کی بحالی کے اقدام کو آئندہ انتخابات میں دھاندلی کی سازش اور منتخب بلدیاتی اداروں پر شبخون کے ذریعے عوامی مینڈیٹ کیخلاف آمرانہ اقدام قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ بلدیاتی اداروں کو اختیارات و فنڈز سے محروم کرکے نچلی سطح تک اختیارات کی منتقلی اور عوامی مسائل کی راہ میں کوہ گراں بننے والے انگریز دور کے مجسٹریسی نظام کی بحالی کے ذریعے عوام اور بلدیاتی اداروں دونوں کو ہی یرغمال و غلام بنانا چاہتے ہیں جبکہ مجسٹریسی نظا م کی بحالی سے آئندہ قومی انتخابات میں دھاندلی کی منظم سازش کی بو بھی آرہی ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بینظیر شہید کے قاتلوں کو گرفتار و بے نقاب کیا جائے ‘سولنگی اتحاد
حکمرانی کے باوجود پیپلز پارٹی کی بینظیر کے قاتلوں کی گرفتاری میں عدم دلچسپی افسوسناک ہے
بینظیر کی روح پوچھ رہی ہے کہ میرے قاتلوں کو کب کیفر کردار تک پہنچایا جائے گا ‘ امیر علی سولنگی
کراچی ( اسٹاف رپورٹر ) بینظیر بھٹو کی 9ویں برسی کے موقع پر شہید رانی کے ایصال ثواب کیلئے دعا کرتے ہوئے پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے بینظیر شہید کے قاتلوں کی گرفتاری کا مطالبہ کرتے ہوئے کہا کہ وفاق میں پیپلز پارٹی کی حکمرانی کی آئینی مدت کی تکمیل اور صوبے میں حکمرانی کی دوسری مدت کی تکمیل کی قرابت کے باوجود بینظیر بھٹو کے قاتلوں کے چہروں کی نقاب کشائی وگرفتاری سے اجتناب کئی سوالات کو جنم دے رہی ہے اور بینظیر کی روح یہ بار بار یہ سوال پوچھ رہی ہے کہ میرے چاہنے والے میرے نام پر صرف اقتدار کے مزے ہی اڑائیں گے یا میرے قاتلوں کو عوام کے سامنے لاکر میری بیقرار روح کو تسکین بھی پہنچائیں گے۔