کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی ‘ مرکزی صدر سلیمان راجپوت اور انفارمیشن سیکریٹری عمران چنگیزی نے روس و ترکی تعلقات کی سردمہری میں کمی اور ترکی کے صدر طیب اردگان وروسی صدر ولاڈی میر پیوٹن میںٹیلی فونک رابطہ کو خوش آئند قرار دیتے ہوئے کہا ہے کہ روس و ترک تعلقات کی بحالی‘ ماسکو اور انقرہ میں ٹیلی فونک رابطہ اور پہلے کی طرح باہمی دلچسپی کے شعبوں میں تعاون جاری رکھنے پر اتفاق ایک دانشمندانہ اور خوش آئند فیصلہ ہے اور اس سے ان دونوں ممالک کو باہمی جنگ کی بھٹی میں جھونک کر اپنے اسلحہ کی فروخت کیلئے منڈی تلاش کرنے والی امن دشمن قوتوں کی حوصلہ شکنی ہوگی جبکہ ستمبر میں ہونے والی G-8 کانفرنس کے موقع پر صدر پیوٹن اور صدر اردگان میں متوقع ملاقات میں تعلقات میں مزید بہتری کی امید کی جا سکتی ہے جو دنیا کے پر امن مستقبل اور بھارت ‘ امریکہ و اسرائیل جارحانہ عزائم کو نکیل ڈالنے کیلئے بہت ضروری ہیں ۔
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ بجلی بحران نہ صرف عوام کیلئے اذیت کا باعث ہے بلکہ اس سے پیدا ہونے والے نفسیاتی عوارض معاشرے میں خطرناک جرائم کی نمو و افزائش کا باعث بھی ہیں جبکہ توانائی بحران قومی معیشت کی غرقابی کا بھی باعث ہے اور چونکہ بجلی بحرا ن کا خاتمہ ن لیگ کے انتخابی منشور کااولین نکتہ تھاجسے پورا کرنے میں وہ ناکام رہی ہے اسلئے سپریم کورٹ کا فریضہ ہے کہ وہ انتخابی منشور سے انحراف یا اسکی تکمیل میں ناکام سیاسی جماعتوں کیخلاف تادیبی کاروائی کرتے ہوئے انہیں نااہل قرار دیکر عوا م کو کرپشن زدہ ‘ ناکام اور قومی مستقبل کیلئے خطرہ بننے والے مفاد پرست حکمرانوں سے نجات دلائے کیونکہ مسلم لیگ ن کی حکومت نے انتخابی مہم کے دوران بجلی کی لوڈشیڈنگ کے دعوے وعدے اور اعلانات کیے تھے یہ وعدے اب تک تشنہءتکمیل ہیں۔ لوڈشیڈنگ کے ساتھ ساتھ سسٹم کی خرابی کی وجہ سے بھی اکثر بجلی بند رہتی ہے جبکہ رمضان میں سحروافطار کے اوقات میں لوڈ شیڈنگ نہ کرنے کے حکومتی اعلانات بھی ان کے روایتی جھوٹے ہونے کا ثبوت دے رہے ہیں جبکہ بدترین گرمی کے دوران بجلی کی طویل لوڈ شیڈنگ سے عوام جس عذاب سے گزرتے ہیںقوم کے پیسے پر ایئر کنڈیشنڈ گاڑیوں میں سفر اور ٹھنڈے کمروں و دفتروں میں استراحت کرنے والوں کو اس کا احساس تک نہیں ہے ۔
کراچی ( اسٹاف رپورٹر) پاکستان سولنگی اتحاد کے سینئر و بزرگ رہنما امیر سولنگی ‘ سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی‘سندھ کے صوبائی جنرل سیکریٹری ایڈوکیٹ کرم اللہ سولنگی‘ ایڈوکیٹ اقبال سولنگی‘محمد رمضان سولنگی ‘محمد بشیر سولنگی ‘ ارشاد علی سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی و دیگر نے کہا ہے کہ ایشیاءمیں امن کا دارومدار پاکستان و بھارت تعلقات کی پائیداری میں ہے جبکہ ان تعلقات کا پائیداری کا تعلق مسئلہ کشمیر کے حل سے ہے اسلئے مسئلہ کشمیر کا حل خطے کے امن کیلئے ناگزیر ہے اور چونکہ دنیا کا امن ایشیاءکے امن سے مشروط ہے اسلئے دنیا کے پر امن و محفوظ مستقبل کیلئے مسئلہ کشمیر کا حل ہونا ضروری ہے ۔ پاکستان کشمیر‘ سرکریک‘ سیاچن سمیت ہر معاملہ پر بھارت سے مذاکرات کو تیار ہے مگر بھارت گریز کررہا ہے کیونکہ بھارت مسئلہ کشمیر حل کانہیں چاہتا اور اسے جبراً اپنا حصہ بنانائے رکھنا چاہتا ہے جس کا مطلب ہے کہ بھارت کے توسیع پسندانہ عزائم جنوبی ایشیا سمیت دنیا بھر کے پر امن و محفوظ مستقبل کیلئے خطرہ ہے اور امریکہ بھارت کی سرپرستی و حمایت کے ذریعے دنیا کیلئے خطرے کی پرورش کررہا ہے اور دنیا خاموش تماشائی بنی امریکہ کو دنیا کے پر امن مستقبل کیلئے آتش فشاںدہکاتے ہوئے خاموشی سے دیکھ رہی ہے ۔
پی او ایف کے محنت کشوں کو چیئرمین پی او ایف بورڈ کی جانب سے عید بونس کی ادائیگی قابل ستائش ہے، چوہدری محمد علی
حکومت کیخلاف تحریک چلائیں گے، بلاول قیادت کرینگے، پیپلز پارٹی کا اعلان