کوٹلہ ارب علی خان : کسان خوشحال ہوگا تو پاکستان ترقی کرے گا کاشتکاروں کو ریلیف دینے کیلئے ان کی مشاورت سے اقدامات کیے جارہے ہیںزرعی پیکج کے زرعی شعبے پر انتہائی اچھے اثرات مرتب ہوں گے ان خیالات کا اظہار ممبر پنجاب اسمبلی چوہدری شبیر احمد نے پنجاب حکومت کے آئندہ دو برس کیلئے 100ارب کے زرعی پیکج کی آگاہی مہم کے سلسلہ ضلع کونسل ہال میں منعقدہ سیمینار سے خطاب کرتے ہوئے کیا انھوں نے کہا کہ آئندہ دوبرس کے دوران کاشتکاروں کی خوشحالی اور زراعت کی ترقی کیلئے 100ارب روپے کاخصوصی پیکج دیا گیا ہے پیکیج کی پائی پائی کاشتکاروں کی فلاح وبہبود اور فی ایکڑ زرعی پیداوار میں اضافے پر خرچ کی جائے گی زراعت کی پائیدار بنیادوں پر ترقی اورکسانوں کی خوشحالی ہمارا مشن ہے زرعی پیکج پر عملدرآمد سے فی ایکڑ زرعی پیداوار بڑھے گی اور کاشتکار کی حالت بدلے گی انھوں نے مزید کہا کہ صوبے میں زرعی کمشن کا قیام بھی عمل میں لایا جارہا ہے زرعی پیکج کے ثمرات کے حصول کیلئے متعلقہ اداروں کو مربوط انداز سے کام کرنا ہوگا محنت ،لگن اورجذبے سے کام کرتے ہوئے ہی اس زرعی پیکیج سے مطلوبہ مقاصد حاصل کیے جاسکتے ہیں انہوں نے کہا کہ زراعت صحیح معنوں میں قومی معیشت کیلئے ریڑھ کی ہڈی کی حیثیت رکھتی ہے وزیراعظم محمد نوازشریف کی قیادت میں حکومت آئندہ بھی زرعی شعبے کی بہتری کیلئے ٹھوس اقدامات تسلسل کے ساتھ جاری رکھے گی کسانوں کو بااختیار بنانے کے حوالے سے ہمیں مل کر آگے بڑھنا ہے اور زراعت کو ترقی دینا ہے انھوں نے کہا کہ یونیورسٹیوں اور زرعی تحقیقاتی اداروں کوزرعی تحقیق پر بھرپور توجہ دینا ہوگی کاشتکاروں کو ریلیف کی فراہمی اور ان کی مشکلات کا ازالہ حکومت کی ذمہ داری ہے انہوں نے کہا کہ زرعی معیشت کو پائیدار بنیادوں پر مستحکم کرنا ہے اور چھوٹے کاشتکار کو اس کے پاؤں پر کھڑا کریں گے۔ ضلع کونسل ہال میں منعقدہ سیمینار میں ضلع بھر کے چیئرمین اور وائس چئیرمی یونین کونسلز سمیت کسانوں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خان : ممبر پنجاب اسمبلی چوہدری شبیر احمدکوٹلہ نے موضع بنیاں میں دیوار گرنے کے باعث ہلاک ہونے والی ننھی پریوں دینہ مریم اور اریبہ نزاکت کی وفات پر گہرے دکھ اور رنج و الم کا اظہار کیا ہے انھوں نے موضع بنیاں میں انکے گھر جا کر فاتحہ خوانی کی اور لواحقین سے اظہار افسوس کیا اور دعا کی کہ اللہ تبار ک و تعالی لواحقین کو صبر جمیل عطا فرمائیں اور انھیں اس المناک حادثے کو بھلانے کی طاقت عطا فرمائیں اس موقع شاہد محمود بٹ سیکرٹر یونین کونسل بزرگوال ، ذوالفقار بٹ ککرالی ، سید عرفان شاہ اور چوہدری محمد یوسف چن انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خان : ممبر پنجاب اسمبلی چوہدری شبیر احمد کوٹلہ سابق امیدوار برائے چیئرمین یونین کونسل بزرگوال قاضی ارشد کی تیمارداری کیلئے انکی رہائش گاہ موضع بزرگوال گئے انھوں نے کہا کہ ہم قاضی ارشد محمود کی جلد صحت یابی کیلئے دعا گو ہیں اللہ تبار ک و تعالیٰ ان کو صحت کاملہ عطافرمائیں تا کہ دوبارہ عوامی فلاحی کوموں میں بھر پور حصہ لے سکیں اس موقع پر ماسٹر عظیم بزرگوال، مرزا محمد دین بزرگوال، قاضی انور بزرگوال، ڈاکٹر انور بزرگوال، ناظر حسین بزرگوال ، ذوالفقار بٹ ککرالی ، سید عرفان شاہ اور چوہدری محمد یوسف چن انکے ہمراہ تھے۔
مسجد حمزہ جی ٹی ایس اڈہ میں آج ٢٩ جولائی کو بعد نماز عشاء محفل میلاد مصطفی کا انعقاد
لاکھوں کا مقروض پنکھا