مصطفی آباد/للیانی (نامہ نگار) ڈی پی او قصور سید علی ناصر رضوی کے حکم پر سروس روڈ کھول دیا گیا،پریس کلب مصطفی آباد کے وفد نے گزشتہ روز ٹول پلازہ کے ساتھ بند سروس روڈ کو کھولنے کا مطالبہ کیا تھا، صحافیوں کی طرف سے ڈی پی او قصور کو خراج تحسین، تفصیلات کے مطابق ڈی پی او قصور سید علی ناصر رضوی کے حکم پر ٹول پلازہ کے ساتھ بند سروس روڈ کو بحال کروا دیا، گزشتہ روزمحمد عمران سلفی صدر پریس کلب کے قیادت میں ڈی پی او قصورسید علی ناصر رضوی سے ملاقات کرنے والے وفد نے مطالبہ کیا تھا کہ ٹول پلازہ مصطفی آباد کے ساتھ سروس روڈ بند ہونے کی وجہ سے مقامی افراد کو شدید پریشانی کا سامنا کرنا پڑتا ہے، جس پر ڈی پی او قصور سید علی ناصر رضوی نے سروس روڈ کو کھول کر یہاں زک زیک بنانے کا حکم جاری کر دیا تھا،محمد عمران سلفی صدر پریس کلب مصطفی آباد، سعید احمد بھٹی، ڈاکٹر اصغر علی شہزاد، چوہدری منظور احمد، ڈاکٹر اسلم انصاری،ملک مختار شاہین، سجاد احمد جٹ، عبدالقیوم مہر، محمد جمیل سندھو، بابا طارق مقبول، حافظ طاہر اقبال،ارشد علی جوئیہ ،رانا توقیر احمد ،محمد اکمل کھوکھر ،عبدالرحمان انصاری،حاجی عبدالقادر،عمر شاہین، صابر علی، عباس علی بھٹی، ودیگر صحافیوں نے کہا کہ ہم ڈی پی او قصور سید علی ناصر رضوی کے انتہائی مشکور ہیں جنہوں نے عوام کے درینہ مسئلے کو حل کرکے اہلیان مصطفی آباد کے دل جیت لئے ہیں، ہم امید کرتے ہیں کہ ڈی پی او قصور سید علی ناصر رضوی اسی طرح عوامی خدمت کا سلسلہ جاری رکھیں گے اور عوام کی مشکلات حل کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) دو خواتین سمیت چار افراد نے شادی شدہ خاتون کو اغوا کر لیا، مقدمہ درج، تفصیلات کے مطابق محمد شفیق، محمد آصف، خلیل احمد ، مجیداں بی بی قصور سے لاہور کی طرف جا رہے تھے کہ پکی حویلی کے قریب ان کی گاڑی خراب ہو گئی، اسی دوران سفید رنگ کی کار پر دو خواتین و دو مرد آئے اور مجیداں بی بی کو کار میں بیٹھا کر اغوا کرکے ساتھ لے گئے،پولیس تھانہ مصطفی آباد نے مقدمہ درج کرکے ملزمان کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) پولیس تھانہ مصطفی آباد کی کاروائی، منشیات فروش سے1015گرام چرس بر آمد، ایک جواری گرفتار، تفصیلات کے مطابق ایس ایچ او تھانہ مصطفی آباد طارق بشیر چیمہ نے پرائز بانڈز پر جوا کرنے کی خفیہ اطلاع پر چھاپہ مار کر موبائل فون پر پرچیاں لکھنے والے جواری رفاقت علی کو گرفتار کرکے اس کے قبضہ سے موبائل فون، پرچیاں، ایک ہزار روپے نقدی ودیگر سامان قبضہ میں لے لیا، جبکہ بیدیاں میں چھاپہ مار کر منشیات فروش شاہد عرف منا کو گرفتار کرکے اس کے قبضہ سے ایک کلو 15گرام چرس بر آمد کرکے مقدمہ درج کرکے ملزمان کو حوالات میں بند کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) چار سال قبل چار لاکھ روپے امانت رکھی رقم واپس نہ کرنے والے شخص کے خلاف مقدمہ درج، رقم مانگنے پر جان سے مارنے کی دھمکیاں، تفصیلات کے مطابق محمدخلیل میو نامی شخص نے چار سال قبل آس محمد میو کے پاس چار لاکھ روپے رقم امانت رکھی اور خود کراچی چلا گیا، واپس آ کر رقم مانگی تو پہلے وہ ٹال مٹول سے کام لیتا رہا بعد ازاں رقم مانگنے پر جان سے مارنے کی دھمکیاں دینے لگا، پولیس تھانہ مصطفی آباد نے مقدمہ درج کرکے کاروائی شروع کر دی۔
محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126
کراچی کی خبریں 15/3/2017
آئی ایس او کی سالانہ تعلیمی کانفرنس بعنوان ایجوکیشن اینڈ لیڈر شپ لاہور میں منعقد ہو گی