لاہور: تنظیم مشائخ عظام پاکستان کے امیر، چیئرمین بین المذاہب امن اتحاد قائدروحانی انقلاب صوفی مسعوداحمد صدیقی لاثانی سرکار نے کہاہے کہ نیو ایئرنائٹ منانے کی بجائے ہمیں اجتماعی توبہ، حمد و نعت اورمحافل درود وسلام کا اہتمام کرناچاہیے تاکہ ہم اللہ رب العزت کی رحمت کے حقدار بنتے ہوئے دنیاوی مشکلات و ناگہانی آفات سے محفوظ رہ سکیں ۔ ان خیالات کا اظہار انہوں نے مرکزی سیکرٹریٹ پر منعقدہ ہفتہ وار تربیتی نشست سے خطاب کرتے ہوئے کیا ،ان کا کہنا تھاکہ نیوایئرنائٹ و دیگر غیر اسلامی رسومات سے نجات کیلئے نوجوان نسل میں روحانیت کا فروغ اور شعور اجاگر کرنا انتہائی ضروری ہے ۔
جس قدر ہماری نوجوان نسل دین سے دور ہورہی ہے دنیاوی مشکلات اور ناگہانی آفات ، بے راہ روی کا شکار ہوتی جارہی ہے ،بحیثیت مسلمان ہمیں ان کی مکمل رہنمائی کرتے ہوئے نیوایئرنائٹ منانے کی بجائے اللہ رب العزت کی حمد و ثناء کرنے کا درس دینا ہوگا تاکہ وہ معاشرے کا ایک پکا و سچا مسلمان بنتے ہوئے ملک وقوم کیلئے اہم خدمات سرانجام دے سکیں ۔تقریب سے صاحبزادہ پیر شبیر احمد صدیقی ، پیر الطاف حسین نقشبندی ، پیر مشتاق احمد صدیقی، پیر محمد طاہر نقشبندی ، پیر سید احمد ندیم شاہ، پیر سید عدنان اکرم نقشبندی ، پیر ڈاکٹرمحمد ارشد نقشبندی ، پیر ڈاکٹر الیاس قادری سمیت دیگر علماء و مشائخ نے بھی خطاب کرتے ہوئے اسلامی تعلیمات ، شریعت محمد ی ۖ کو اپنانے اور غیر اسلامی رسومات سے نجات حاصل کرنے پر زور دیا اختتام پرامیر تنظیم صوفی مسعوداحمد صدیقی لاثانی سرکار نے امت محمدی ،ملکی ترقی و خوشحالی اور آپریشن ضرب کی مزید کامیابی کیلئے خصوصی دعا بھی کی۔
بھمبر : کشمیر پریس کلب بھمبر کے نو منتخب صدر راجہ نعیم گل اور دیگر اظہار خیال کرتے ہوئے
پیر محمد عثمان افضل قادری کا دورہ امریکہ کے موقع پر بروکلین میں عظیم اجتماع سے خطاب