پیرمحل (نامہ نگار) واہگی اڈا تاسندھلیانوالی روڈ ٹوٹ پھوٹ کا شکار آئے روز حادثات معمول کسانوں کا احتجاج فی الفور روڈ کی تعمیر کی جائے تفصیل کے مطابق واہگی اڈا تاسندھلیانوالی روڈ ٹوٹ پھوٹ کا شکار ہونے کے باعث آئے روز حادثات معمول بن گئے ہیںعلاقہ بھر سے گنے کی ٹرالی اس روڈ سے گذرتی ہے جس سے سارا دن ٹریفک جام رہنے سے سکول آنے جانے والے طلبہ طالبات اور کام کاج کے سلسلہ میں آنے والے مکین سخت پریشانی کاشکار ہے وفاقی وصوبائی حکومت موٹروے تعمیر کررہی ہے اور اردگرد کی سڑکیں دورویہ ہورہی ہے مگر عرصہ پانچ سال سے اس روڈ کو دورویہ کرنے کی بجائے پہلے سے موجود سڑک کو تعمیر نہ کیا گیا اس سڑک کے نام پر محکمہ ہائی وے نے نہ جانے کتنے فنڈ جاری کرکے ہڑپ کرلیے مگر عملی طورپر سڑک پر کوئی کام نہ ہوا علاقہ مکینوںنے آئے روز حادثات ہونے کے باعث احتجاج کرتے ہوئے ڈپٹی کمشنر ٹوبہ ٹیک سنگھ سے مطالبہ کیا کہ فی الفور واہگی اڈا تاسندھلیا لی روڈکو تعمیر کیاجائے تاکہ علاقہ مکین آئے روز حادثا ت سے بچنے سمیت بروقت اپنے معمولات انجام دے سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) درندہ صفت خاوند کا بیوی اور دس سالہ بیٹی پر بہیمانہ تشدد کلہاڑی کا وار کرکے بازوکاٹ ڈالا ملزم گرفتارمضروبہ خاتون سول ہسپتال پیرمحل میں لیڈی ڈاکٹر نہ ہونے کے باعث ٹی ایچ کمالیہ اور ڈی ایچ کیو ٹوبہ ٹیک سنگھ کے درمیان شٹل کاک بن گئی ڈی ایچ کیو ٹوبہ ٹیک سنگھ کا حالت نازک ہونے کے باوجود ٹی ایچ کیو کمالیہ کی ریفر چٹ جاری کرواکر لانے پر اصرار تفصیل کے مطابق نواحی گاوں 320 کے رہائشی حال مقیم بستی اوڈاں والی نذیر شاہ ولد صادق شاہ نے اپنی بیوی تسلیم کوثر اور دس سالہ بیٹی پر کلہاڑیوں کے وار کر کے شدید زخمی کر دیا ۔ بیوی کا بازو جسم سے الگ ہو گیا مضروبین کو ڈسڑکٹ ہسپتال ٹوبہ ٹیک سنگھ منتقل کردیا گیا حالت نازک ہونے کے پیش نظر الائیڈ ہسپتال فیصل ریفر کردیا جہاں پر اس کی حالت نازک بیان کی گئی بیوی کو تشدد کا نشانہ نشانہ بنانے والے ظالم درندہ صفت خاوند نذیر شاہ کو ایس ایچ او تھانہ پیر محل رائے فاروق احمدنے بھاری نفری کے ہمراہ کامیاب کاروائی کرتے ہوئے آلہ ضرب سمیت گرفتار کر کے قانونی کاروائی شر وع کردی جبکہ مضروبہ خاتون سول ہسپتال پیرمحل میں لیڈی ڈاکٹر نہ ہونے کے باعث ٹی ایچ کمالیہ اور ڈی ایچ کیو ٹوبہ ٹیک سنگھ کے درمیان شٹل کاک بن گئی ڈی ایچ کیو ٹوبہ ٹیک سنگھ کا حالت نازک ہونے کے باوجود ٹی ایچ کیو کمالیہ کی ریفر چٹ جاری کرواکر لانے پر اصرار پر مریضہ کو پہلے کمالیہ لے جایا گیا پھر ڈی ایچ کیو ٹوبہ ٹیک سنگھ میں داخل کیا گیا خون بہنے سے مریضہ کی حالت انتہائی ناز ک ہوگئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) دوکس نامعلوم مسلح ڈاکوئوں نے اسلحہ کی نوک پر موٹرسائیکل چھین لی مزاحمت پر تشدد تفصیل کے مطابق مہر آباد پیرمحل کا رہائشی محمد مجاہد ولد محمد شریف اپنی موٹرسائیکل نمبرTSL-16-6396 سی جی 125مالیت ایک لاکھ 10ہزار روپے پر سوار اپنے گھر آرہا تھاکہ لکڑمنڈی بازار پیرمحل میں 2 کس نامعلوم مسلح ہائے آتشیں اسلحہ بسوار موٹرسائیکل CG125آئے اور اسلحہ کی نوک پر یرغمال بناکر موٹرسائیکل چھین کر فرارہوگئے مزاحمت پر ڈاکوئوںنے موٹرسائیکل سوار کو تشددکانشانہ بنایا اطلا ع پاکر ایس ایچ او تھانہ پیر محل رائے فاروق احمدموقع پر پہنچے ڈاکوئوں کا تعاقب کیا مگر نامعلوم ڈاکوچھینی گئی موٹرسائیکل سمیت فرارہوگئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) حضرت امام احمد رضا عظمت مصطفی ۖ کے داعی اور ناموس رسالت ۖ کے محافظ تھے آپ نے مسلمانوں کی علمی، نظریاتی ،سیاسی حالت سنوارنے کے لیے عمر بھر کام کرتے ہوئے ساری زندگی محبت مصطفےٰۖ کے پیغام کو عام کیا آپ کا فتاوی رضویہ علوم معارف اسلامیہ کا انسائیکلو پیڈیا ہے ان خیالات کا اظہار مولانا محمد وسیم سیالوی نے حضرت امام الشاہ احمد رضا بریلوی کے عرس کی تقریب منعقدہ مکی مسجد میں خطاب کرتے ہوئے کیا انہوں نے کہا کہ آپ جلیل القدر فقہیہ اور محدث تھے آپ نے ساری زندگی اللہ اوراس کے رسول ۖ کی اطاعت اورشریعت اسلامیہ پر عمل کرکے گزاری علم کے چراغ روشن کیے اور تاریک دلوں کو علم نافع اور مسلمانوں کی رہنمائی کی جب وہ غلامی کی زندگی بسر کر رہے تھے آپ نے اپنی تصانیف اورتعلیمات کے ذریعے دوقومی نظریئے کا شعور اجاگر کیا ۔اپنے علم اورقلم کو مسلمانوں کی نشاة ثانیہ کے لیے استعمال کیا ۔آپ اتحاد عالم اسلام کے داعی تھے۔ حضرت امام احمد رضا بریلوی نے عقیدہ ختم نبوت کے لیے بڑا اہم کردار ادا کیا ۔ آپ علمی، تدریسی، تبلیغی اورتحقیقی مصروفیات کے باوجود عبادت اور زہد و تقویٰ میں یکتا تھے۔آپ ایک عالم دین ،فقہیہ اور محدث ہونے کے باوجود تصوف اور روحانیت کے داعی تھے کیونکہ وہ طریقت کو شریعت کے مخالف نہیں سمجھتے تھے۔ بلکہ طریقت کو ہی شریت کاجامع ترین اسوہ خیال کرتے تھے آپ کو پچپن (55) سے زائد علوم و فنون پر مہارت تھی ۔فنون پر آپ نے کئی کتب تحریر فرمائیں ایک ہزار سے زائد کتب تحریر فرمائیں علوم وفنون و معارف کے وہ دریا بہائے جن سے تشنگان علم رہتی دنیا تک سیراب ہوتے رہیں گئے ۔ علوم ریاضی اورجدید سائنس میں آپ کی مہارت کی ماہر ریاضیات ڈاکٹر ضیاء الدین ا(سابق وائس چانسلر علی گڑھ یونیورسٹی ) نے تعریف کی اورنوبل انعام کاحقدار قراردیا آپ کا فتاوی رضویہ بارہ جلدوں پر مشتمل ہے امام احمد رضا نے ساری زندگی محبت مصطفےٰۖ کے پیغام کو عام کیا اس موقع پر سعدالدین رضوی ، مبارک یعقوب رحمانی سمیت دیگر علمائے کرام نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) وزیر اعلیٰ پنجاب کے ویژن کے مطابق گھریلو پیمانے پر سبزیاں اگائومہم قصہ پارینہ بن گئی لاکھوں کروڑوں روپے مہم پر خرچ ہونے کے باوجو د نتائج صفر تفصیل کے مطابق پچھلے امسال میں وزیر اعلیٰ پنجاب نے گھریلو سطح پر سبزیوں کی قلت کو دور کرنے کے لیے محکمہ زراعت سکولوں کالجز اور دیگر سرکاری اداروں کے اراکین کی شمولیت سے دفاتر سکولوں اور اردگرد پڑی ہوئی خالی زمین پر سبزیاں کاشت کر نے کا حکم دیا تھا جس پر ایک سال عملدرآمد کیا گیا جس کے لیے سرکاری اداروں میں سبزیاں کاشت کی گئی جس کے لیے باقاعدہ طورپر محکمہ زراعت نے بیج فراہم کیے جس کا مقصد تازہ زہروں سے پاک سبزیات حاصل کرکے استعمال میں لا ناتھا اس مہم پر کروڑوں روپے خرچ کیے گئے جس پر تکنیکی وفنی مشاورت فراہم کرنے کے لیے زراعت کے افسران کی ڈیوٹیاں لگائی گئی جو تھوڑا عرصہ گذرنے کے بعد انتظامیہ کی عدم توجہی کا شکا رہوگئی سماجی فلاحی حلقوںنے وزیر اعلیٰ پنجاب سے مطالبہ کیا ہے کہ فی الفور وزیر اعلیٰ پنجاب کے ویژن کے مطابق گھریلو پیمانے پر سبزیاں اگائومہم کو دوبارہ شروع کیاجائے تاکہ تاکہ سائنسی اصولوں کے مطابق سبزیاں کاشت کرکے کم جگہ سے زیادہ پیداوار حاصل کر نے کے ساتھ ساتھ سبزیوں کی قلت کو دور کیاجاسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) پیرمحل کے گنجان آبادیوں میں ہیجڑوں کے ڈیرے نوجوان نسل کو سرعام دعوت گناہ دے کر مستقبل تباہ کیاجانے لگا رات کے وقت پراسرار لوگوں کی آمد سے مکین عدم تحفظ کا شکار شراب کے نشہ میں دھت تماش بینوں کی آمد ناچ گانے ہلڑبازی کے باعث مکینوں کی زندگی اجیرن فی الفور ہیجڑوں کو آبادی سے باہر منتقل کیاجائے تفصیل کے مطابق پیرمحل کے محلہ لوئر کالونی اپر کالونی آرامارکیٹ اور دیگر محلہ جات میں نامعلوم مقامات سے آئے ہوئے مرد نما ہیجڑے جنہوں نے مکان حاصل کرکے درجن بھر گھروں سے بھاگے ہوئے بگڑے نوجوان جنہیں مردانہ صفات سے محروم کرکے ہیجڑے بنارکھا ہے کو زنانہ کپڑے پہناکر سادہ لوح کاروباری لوگوں کو جھانسے میں پھنساکر انہیں نہ صرف جمع پونجی سے محروم کردیا جاتا ہے بلکہ دعوت گناہ میں ملوث کرکے انہیں بعدازاں بلیک میل کرنے کا دھندہ عروج پر ہے شام ہوتے ہی پراسرار گاڑیوں جن میں کاریں اور موٹرسائیکل رکشہ جات شامل پر نشہ میں دھت تماش بینوں کی آمد شروع ہوجاتی ہے جس سے رات گئے تک ناچ گانے ہلڑبازی کے باعث مکینوں کی زندگی اجیرن ہوکررہ گئی ہے ا ن ہیجڑا نما مخلوق کے مکانوں پر خطرنا ک قسم کے جرائم میں ملوث اشتہاری سمیت مختلف وارداتوں میں ملوث افراد کی پناہ کے باعث مکین عدم تحفظ کاشکار ہوچکے ہیں راحیل گجر سمیت مکینوںنے ڈی پی اوٹوبہ ٹیک سنگھ ، ڈی ایس پی کمالیہ ایس ایچ اوتھانہ پیرمحل سے اپیل کی کہ فی الفور نوجوانوں کا مستقبل تباہ کرنے والوں کو آبادی سے باہر منتقل کیاجائے
پیڑولیم، ایل پی جی گیس کی قیمتوں میں اضافہ حکومتی دعوئوں پر طمانچہ ہے۔ ڈاکٹر غازی شاہد
پریس کلب، ڈیمو کریٹس کی کامیابی صحافیوں کا اعتماد ہے، عالم علی