ممبئی (جیوڈیسک) بالی ووڈ کے کنگ خان کا کہنا ہے رنبیر کپور ایک منجھے ہوئے اداکار ہیں اس لئے انہیں اپنی فلاپ فلموں پر فکرمند ہونے کے بجائے اپنی صلاحیتوں پر بھروسہ رکھنا چاہیئے۔
بھارتی میڈیا کو دیئے گئے انٹرویو میں شاہ رخ خان کا کہنا تھا کہ بحیثیت اداکار ہمارا تعلق ایسی انڈسٹری سے ہے جہاں ہر ایک کےکیرئیر میں اتارچڑھاؤ آتے ہیں، رنبیر کپورکا تعلق اس خاندان سے ہے کہ جس نے اس ملک میں فلمیں شروع کیں اس لئے وہ انہیں اس سے زیادہ بہتر مشورہ نہیں دے سکتے کہ کسی بھی اداکارکو خود پربھروسہ ہونا چاہیئے پھر آپ کو کامیاب ہونے سے کوئی نہیں روک سکتا۔
چاہے 4 فلمیں ناکام ہوں یا 40 رنبیر کپور اپنی فلاپ فلموں سے پریشان ہونے کے بجائے اپنی اداکاری پر توجہ دیں کیونکہ اسی کے زریعے وہ ایک مرتبہ پھر کامیابیوں کی بلندیوں کو چھو سکتے ہیں۔
واضح رہے کہ شاہ رخ خان نے حال ہی میں بالی وڈ میں بحیثیت اداکار 23 برس مکمل کئے ہیں اور اس وقت ان کی 2 فلمیں “دل والے” اور “رئیس” زیر تکمیل ہیں۔
آدم خور قبیلے پر مبنی فلم”دی گرین اِنفرنو”کا ٹریلر جاری
امیتابھ ’’بیلاسیشی‘‘ کے ہندی ری میک میں جیا بچن کے ساتھ نظر آئیں گے