تلہ گنگ کی خبریں 17/11/2016

Malik Ferooz

Malik Ferooz

تلہ گنگ (عامر نواز اعوان) مشیر وزیراعلی پنجاب ملک سلیم اقبال کے حمایت یافتہ امیدوار ضلع کونسل کی مخصوص نشست برائے کسان ملک فیروز دودیال نے چار ووٹ سے ہارنے کے بعد میڈیا سے بات چیت کر تے ہو ئے کہا کہ ہار جیت الیکشن کا حصہ ہے ۔اور جن چیئر مینوں اور دیگر احباب نے ہمارا ساتھ دیا ہم ان کا شکریہ ادا کر تے ہیں ۔ مزید کہا کہ ہمیں ووٹ خالص ن لیگ کے نظر یا تی لوگوں کا ملا جبکہ ہما رے مخالف امیدوار کو ق لیگ ، تحریک انصاف کے دس اور سات ووٹ ان کو ذاتی ملے ۔ ہما را ضمیر مطمئن ہے کہ ہم نے ن لیگ کا ساتھ دیا ۔ اور ن لیگ کا ووٹ ہی حاصل کیا ۔ بساکھیوں کی مدد انہی کو ضرورت تھی جنہیں آئینہ دیکھا ئی دے رہا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (اشفاق احمد بڈھیال) تلہ گنگ کے نواحی گائوں نکہ کہوٹ کی شائستہ خانم زوجہ شفقت حسین نے ضلع کونسل کی مخصوص نشست پر ضلع بھر میں سب سے زائد ووٹ لے کر کامیابی حاصل کی – تفصیلات کے مطابق سردار غلام عباس گروپ کی لیڈی کونسلر چھ ووٹ لے کر پہلے نمبر پر رہی-سردار غلام عباس کی بقایاتین خواتین کونسلر نے بھی اپنا الیکشن جیت لیا-سردار غلام عباس گروپ کے کسان کونسلر چوہدری عرفان بھی 19ووٹ لے کر ضلع بھر میں اول رہے دو اقلیت ممبران سردار غلام عباس گروپ کے پہلے ہی بلا مقابلہ منتخب ہو چکے ہیں -سردار غلام عباس گروپ کے ٹوٹل ممبران 29ہو چکے ہیں جو کہ مسلم لیگ (ن ) کے 83ممبران ضلع کونسل میں سب سے زائد ہیں اور ضلع چیئرمینی میںبڑا وزن رکھتے ہیں-سردار غلام عباس نے شائستہ خانم کو کامیابی دلا کر اپنے مرحوم دوست سابق چئیرمین حکیم ربنواز کو سیاست میں پھر زند ہ کر دیا ہے -منتخب لیڈی ضلع کونسلر مرحوم کی بہو ہیں شفقت حسین اور اسکے خاندان نے سردار غلام عباس کا شکریہ ادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (اشفاق احمد بڈھیال) ضلع کونسل کی چوبیس مخصوص نشستوں پر الیکشن کے بعد ضلعی ایوان 95ممبران کا مکمل ہو چکا ہے جس میں مسلم لیگ ن کے 83ممبران ،مسلم لیگ ق کے چھ اراکان اور پاکستان تحریک انصاف کے بھی چھ ارکان شامل ہیں مجموعی طور پر اپوزیشن بارہ ممبران پر مشتمل ہو گئی-مخصوص نشستوں کی کسان سیٹ پرمسلم لیگ ن کے محمد عرفان 19ووٹ،سلیم رضا 18ووٹ، آزاد کونسلرملک اقرار حیدر17ووٹ لے کر کامیاب قرار دے گئے جبکہ آزاد کونسلر ملک فیروز دودیال جنہوں نے مسلم لیگ ن کی خاطر جیل کاٹی ان کو صرف 13ووٹ ملے اور پارٹی نے پرانے کارکن کو ٹکٹ بھی نہ دیا- -یوتھ کی سیٹ پر مسلم لیگ ن کے چوہدری حسیب تصور منہاس 59،سعید ابوبکر آزاد صرف تین ووٹ حاصل کر سکے اور نو ووٹ مسترد ہوئے-ٹیکنوکریٹ کی نشست پر مسلم لیگ ن کے امجد مرزا ایڈووکیٹ نے 47اور مسلم لیگ ق کے ظہیر اسلم 20ووٹ لینے میں کامیاب – چار ووٹ مسترد بھی ہوئے عوامی و سماجی حلقوں نے الیکشن کمیشن سے مطالبہ کیا ہے کہ الٹی مہر لگانے والے چئیرمینوں کو نااہل قراردیا جائے جو چئیرمین سیدھی مہر نہیں لگا سکتے وہ علاقے کی خدمت کیاکریں گے -مسلم لیگ ق اور پاکستان تحریک انصاف کے ٹوٹل چئیرمینونں کی تعداد دس ہے -دس ووٹ ان کو مسلم لیگ ن نے دے ہیں جس سے معلوم ہوتا ہے کے ضلع چکوال میں مسلم لیگ ن کا اتحاد ٹکڑے ٹکڑے ہو چکا ہے-مسلم لیگ ن کی تیرہ لیڈی کونسلر اور پاکستان مسلم لیگ ق اور پاکستان تحریک انصاف کی بھی ایک ایک لیڈی کونسلر خاتون کامیاب قرار پائیں۔

Malik Saleem Iqbal

Malik Saleem Iqbal