پولیس نے کراچی کے مختلف علاقوں میں رات گئے جرائم پیشہ افراد کے خلاف کارروائی کرتے ہوئے سو سے زائد افراد کو حراست میں لے کراسلحہ اور منشیات برآمد کر لی۔
پولیس کے مطابق پولیس کی بھاری نفری نے ڈسٹرکٹ سینٹرل، ایسٹ سمیت شہر کے مختلف علاقوں میں جرائم پیشہ عناصر کے خلاف کارروائی کی۔ ایس ایس پی ایسٹ آصف اعجاز شیخ کی سربراہی میں پولیس نے مچھر کالونی کا محاصرہ کرکے مشکوک مقامات پر کارروائی کرتے ہوئے پانچ مشتبہ افراد کو حراست میں لے کر اسلحہ برآمد کیا۔ اس موقع پر علاقے کے اندر اور باہر جانے والے راستوں کو بھی مکمل طور پر بند کر دیا گیا تھا۔ مشتبہ افراد کو تفتیش کے لیے نا معلوم مقام منتقل کر دیا گیا ہے۔
دوسری جانب لیاقت آباد اور گلبرگ میں پولیس نے کارروائی کے دوران گیارہ افراد مشتبہ افراد کو حراست میں لے کر اسلحہ اور منشیات قبضے میں لیں۔ جبکہ محمود آباد میں کارروائی کے دوران دو ڈاکو گرفتار کرکے مسروقہ سامان برآمد کر لیا۔
بنیادی حقوق کی فراہمی ریاست کی ذمے داری ہے۔ چیف جسٹس
کراچی: گلشن مہران میں فیکٹری پر چھاپہ، جعلی زرعی دوائیں برآمد