لاہور : جسٹس اینڈ ڈیموکریٹک ہیومن سیل پنجاب نے بادامی باغ کے علاقے میں رشتہ داروں کی جانب سے معمولی تنازع پر ٹانگ توڑنے اور بادامی باغ پولیس کی جانب سے مقدمہ درج نہ کرنے کے واقعہ کا نوٹس لیتے ہوئے پولیس کے غیر ذمہ دارانہ رویہ اور ناروا سلوک کیخلاف سخت الفاظ میں مذمت کی ہے۔ ہیومن رائٹس سیل کے صدرمدثرچوہدری ایڈووکیٹ ، رحمان ناصر ، عمیر جاوید ، غلام مجتبیٰ ، چودھری نعمان کا کہنا تھا کہ رشتہ داروں نے معمولی تنازع پر 58سالہ شخص ظہیر الدین کی ٹانگ توڑ دی ، میڈیکل رپورٹ آنے کے باوجود پولیس مقدمہ درج نہیں کررہی ہے جبکہ متاثرہ شخص انصاف کیلئے در بدر کی ٹھوکریں کھا رہاہے ، انہوں نے مزید کہا کہ لاہور اس وقت پولیس سٹیٹ بن چکا ہے ۔جہاںپولیس مظلوموں کی داد رسی کرنے کی بجائے انہیں مختلف حیلوں بہانوں سے ہراساں کرتی ہے۔
ہم پولیس کے ایسے رویے کی پر زو ر مذمت کرتے ہیں اور چیف جسٹس لاہور ہائیکورٹ ، وزیراعلیٰ پنجاب شہباز شریف اور آئی جی پنجاب سے فوری طور پر نوٹس لینے اورغیر ذمہ داری کا مظاہرہ کرنے والے پولیس افسروں کیخلاف سخت کارروائی کامطالبہ کرتے ہیں اور مظلوم معمر شخص ظہیر الدین کیلئے انصاف کی اپیل کرتے ہیں۔
راجہ ظفر نمبردار اور راجہ بوستان برادری سمیت PTI میں شامل
عبدالغفار قیصرانی ڈسٹرکٹ پولیس آفیسر جہلم کی ہدایت پر جہلم پولیس کی جرائم پیشہ افراد کے خلاف کاروائیاں