لاہور (جیوڈیسک) معروف ماڈل واداکارہ آمنہ الیاس نے کہا ہے کہ اچھوتی کہانیوں اورجدید ٹیکنالوجی نے پاکستان فلم انڈسٹری کو ایک مرتبہ پھر اپنے پاؤں پرکھڑا کردیا ہے۔
اب اعلیٰ تعلیم یافتہ فلم میکر فلمسازی کی طرف آچکے ہیں تودوسری جانب انٹرنیشنل شہرت کے حامل غیرملکی فنکاروں کا ہماری فلموں میں کام کرنا اس بات کی واضع دلیل ہے کہ پاکستانی فلم انڈسٹری تیزی کے ساتھ اپنی پہچان بنا رہی ہے۔
ان خیالات کا اظہار انھوں نے گزشتہ روز ’’ ایکسپریس ‘‘ سے گفتگوکرتے ہوئے کیا۔ آمنہ الیاس نے کہا کہ ایک دورتھا جب فلم انڈسٹری میں کام کرنے کے لیے فیشن انڈسٹری سے وابستہ لوگ دور بھاگتے تھے لیکن اس وقت فلم انڈسٹری میں فیشن انڈسٹری کے معروف لوگ کام کررہے ہیں۔ اداکاری کے ساتھ ساتھ تکنیکی شعبوں میں بھی فیشن سے وابستہ لوگوں کی خدمات حاصل کی جارہی ہیں جس کی وجہ سے فلم کے معیار میں نمایاں فرق دکھائی دیتا ہے۔
انھوں نے کہا کہ بطور اداکارہ جب مجھے فلم میں کام کرنے کی پیشکش ہوئی تومیں نے فلم کی کہانی اوراپنے کردار کو سننے کے بعد کام کرنے کی رضامندی ظاہرکر دی۔اس کے علاوہ بالی وڈکے وراسٹائل اداکارنصیرالدین شاہ کے ساتھ اپنی پہلی فلم میں کام کرنا بھی میرے لیے اعزاز سے کم نہ تھا۔ کیونکہ وہ بہت ہی سلجھے ہوئے فنکا ر تھے اورانھوں نے خوب رہنمائی بھی کی۔ ایک سوال کے جواب میں آمنہ الیاس نے کہا کہ پاکستان فلم انڈسٹری سے وابستہ ہونا کسی بڑے اعزاز سے کم نہیں ہے۔
ماضی میں جس طرح ہمارے ملک کی معروف اداکاراؤں نے فلموں میں کام کرتے ہوئے اپنی منفردپہچان بنائی اوراپنے عمدہ کام کی بدولت اپنے نام کے ساتھ فلم اسٹار کا اضافہ ہوا اوران کو اس پر فخرتھا ، اسی طرح مجھے بھی فلم کا حصہ بننے پربے حد خوشی ہے۔ انھوں نے کہا کہ آنے والے دنوں میں اپنے نئے پروجیکٹس کی پروموشن شروع کرونگی جو میرے چاہنے والوں کے لیے بہترین سرپرائز ثابت ہوگا۔
ہر وقت اپنے والد کے بڑے نام کا خطرہ موجود رہتا ہے، سونم کپور
کنگ خان بھی بالآخر ڈگری ہولڈر گریجویٹ ہوگئے