اسلام آباد (جیوڈیسک) حکومت اور اپوزیشن کے درمیان نگراں وزیراعظم کے نام پر اتفاق ہو گیا۔ ذرائع کے مطابق نگراں وزیراعظم کی تقرری پر حکومت اور اپوزیشن کے درمیان اتفاق کے بعد اب نگراں وفاقی کابینہ پر بھی مشاورت جاری ہے۔
ذرائع کا کہنا ہے کہ وزیراعظم اور خورشید شاہ کے درمیان پنجاب، سندھ اور بلوچستان کی نگراں وزرات اعلیٰ پر بھی مشاورت جاری ہے جب کہ مسلم لیگ (ن) نے پنجاب میں نگراں وزیراعلیٰ کے لیے بھی پیپلزپارٹی سے رائے مانگی ہے۔
نگراں وزیراعظم کے معاملے پر جب نمائندہ جیونیوز نے اپوزیشن لیڈر خورشید شاہ سے سوال کیا کہ کیا نگراں وزیر اعظم چھوٹے صوبوں سے ہو گا؟ اس پر خورشید شاہ نےکہا کہ صوبے کا بتا دیا تو باقی کیا بچے گا۔
اپوزیشن لیڈر سے سوال کیا گیا کہ نگراں وزیراعظم کوئی خاتون ہوگی یا مرد ہوگا؟ اس پر خورشید شاہ نے جواب دیا کہ نگراں وزیراعظم کے لیے جنس کی پابندی نہیں دونوں ہوسکتے ہیں۔
خورشید شاہ سے سوال کیا گیا کہ نگراں وزیراعظم کے لیے میڈیا پر جو نام چل رہے ہیں کیا ان میں کوئی نام ہے؟ اس پر اپوزیشن لیڈر کا کہنا تھا کہ ضروری نہیں کہ جو نام فائنل ہورہا ہے اس کا میڈیا پربھی چرچا ہو۔
اپوزیشن لیڈر کا کہنا تھاکہ ہماری کوشش ہے کہ متفقہ طور پر غیر متنازع شخص کو وزیراعظم لگایا جائے، منگل کو وزیر اعظم سے ملاقات کے بعد نگراں وزیر اعظم کےنام کا اعلان کروں گا۔
قومی سلامتی کمیٹی کی فاٹا کے خیبر پختونخوا میں انضمام کی توثیق
نیب کا نواز شریف کیخلاف ایک اور ریفرنس دائر کرنیکا فیصلہ