لاہور (جیوڈیسک) پنجاب میں بلدیاتی الیکشن کے آخری مرحلے میں بھی شیر کی دھاڑ سنائی دی۔ نواز لیگ نے تمام دس میونسپل کارپوریشنز میں میدان مار لیا۔
اکثر شہروں میں ن لیگ کے امیدوار بلامقابلہ میئر منتخب ہوئے۔ فیصل آباد میونسپل کارپوریشن میں ن لیگ کے دو گروپوں کے درمیان دلچسپ مقابلہ ہوا۔
رانا ثناءاللہ گروپ کے رزاق ملک نے میدان مار لیا۔ شیر علی گروپ کو اپ سیٹ شکست ہوئی۔ راولپنڈی میں سردار نسیم، سیالکوٹ سے توحید اختر، گوجرانوالہ میں شیخ ثروت اکرام، گجرات سے حاجی ناصر محمود، سرگودھا میں ملک اسلم نوید، ساہیوال سے اسد بلوچ بلامقابلہ میئر بن گئے۔
ملتان میں ن لیگ کے نوید آرائیں نے میئرشپ کا مقابلہ جیت لیا۔ بہاولپور سے عقیل نجم ہاشمی نے میدان مار لیا۔ ڈی جی خان سے شاہد حمید چانڈیہ نے کامیابی سمیٹی۔
لاہور میں مسلم لیگ ن کے کرنل (ر) مبشر پہلے ہی میٹرو پولیٹن کارپوریشن کے بلا مقابلہ لارڈ میئر منتخب ہو چکے ہیں۔
اسلامی جمعیت طلبہ آج 70 واں یوم تاسیس منا رہی ہے
یمن کی سمندری حدود میں ایران کے کارگو شپ پر راکٹ حملہ، 7 پاکستانی جاں بحق