راولپنڈی (جیوڈیسک) وطن کے محافظ پاک سر زمین کو امن کے دشمنوں سے پاک کرنے کیلئے برسرپیکار ہیں۔ شمالی وزیرستان کے علاقے دتہ خیل میں پاک فوج کے فضائی آپریشن کے دوران سولہ غیر ملکی دہشت گرد ہلاک ہو گئے۔
خیبر ایجنسی کی وادی تیراہ میں جیٹ طیاروں کی بمباری میں اٹھائیس امن کے دشمن انجام کو پہنچ گئے۔ آئی ایس پی آر کے مطابق جیٹ طیاروں نے وادی تیراہ کے علاقوں راجگل کانڈو اور کوک خیل میں دہشتگردوں کے ٹھکانوں کو نشانہ بنایا۔
شمالی وزیرستان اور خیبرایجنسی میں پاک فوج کی زمینی کارروائیاں بھی جاری ہیں جن میں سیکڑوں دہشتگرد مارے جا چکے ہیں جبکہ دہشتگردوں کے کئی ٹھکانے اور اسلحہ باردو کے ذخائر بھی تباہ ہو چکے ہیں۔
بھارت سے مدد اور افواج پر الزامات قومی سلامتی پر حملہ ہے، لیاقت بلوچ
رحیم یار خان میں پولیس چوکی پر ڈاکوؤں کا حملہ، اے ایس آئی سمیت 7 اہلکار اغوا