پیپلز پارٹی سندھ میں عوام کا پیسہ پانی کی طرح بہا کر اپنی قیادت کی عیاشی کا سامان کر رہی ہے،عارف حمید بٹ

Posted on March 9, 2014 By Majid Khan سٹی نیوز

مسلم لیگ ن کے راہنما عارف حمید بٹ نے کہا ہے کہ ایک طرف پیپلز پارٹی سند ھ میں عوام کا پیسہ پانی کی طرح بہا کر اپنی قیادت کی عیاشی کا سامان کر رہی ہے جبکہ دوسری طرف پنجاب حکومت صوبے بھر کے نوجوانوں کو صحت مند سرگرمیوں کے ذریعے پاکستان کا نام دنیا بھر میں روشن کر رہی ہے یہی فرق ہے ایک عوامی حکومت اور نام نہاد عوامی لیڈروں کا۔

اپنے ایک بیان میں انہوں نے کہا ہے وزیر اعلی میاں شہباز شریف کی طرف سے پنجاب میں یو تھ فیسٹول کا انعقاد ایک ایسا کارنامہ جس کو تاریخ میں سنہر ی حروف میں لکھا جائے گا پاکستان نے جتنے ریکار ڈ موجودہ دور میں بنائے اس سے پہلے اس کی مثال نہیں ملتی دیگر صوبوں کو بھی چاہئے کہ وہ پنجاب کی پیروی کریں اور اپنے اپنے صوبوں کے نوجوانوں کو جمع کر کے ان سے تعمیری سرگرمیوں کے ذریعے نہ صرف ان کا اپنا بلکہ ملک و قوم کا نام بھی روشن کریں۔