ماچھیوال (نامہ نگار) میٹرک امتحانات، طالبات کا امتحانی سنٹر بوائز سکول میں بنا دیا گیا، والدین سراپا احتجاج تفصیل کے مطابق میٹرک کے امتحانات میں طالبات کے لیے امتحانی سنٹر بوائز سکول میں بنا دیا گیا طالبات اپنے آپ کو غیر محفوظ سمجھتی ہیں جس پر سینکڑوں طالبات کے والدین نے محکمہ تعلیم کے خلاف احتجاج کرتے ہوئے صحافیوں کو بتایا کہ پہلے طالبات کا امتحانی سنٹر گرلز ہائر سکینڈری سکول یا ڈگری کالج برائے خواتین ہو تا تھا جبکہ اس بار طالبات کا امتحانی سنٹر بوائز سکول میں بنانا انتہائی غیر اخلاقی ہے بوائز سکول میں طالبات کو امتحان کے لیے جانے میں مشکلات کا سامنا کر نا پڑتا ہے وز یر اعلی پنجاب میاں شہباز شریف سے اپیل کی کہ طالبات کا امتحانی سنٹر بوائز سکول کی بجائے ڈگری کالج برائے خواتین یا گرلز ہائر سکینڈری سکول میں بنایا جائے #
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماچھیوال (نامہ نگار) سیکرٹری یونین کونسل 18گلزار بلوچ کے بہنوئی یسین بلوچ گزشتہ روز انتقال کر گئے ان کی نماز جنازہ 23ڈبلیو بی میں ادا کر دی گئی جس میں اہلیان دیہہ اور دیگر معززین علاقہ نے بڑی تعداد میں شرکت کی مرحوم کے ایصال ثواب کے لیے قل خوانی آج صبح 10بجے مرکزی جامع مسجد میں ہو گی #
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماچھیوال(نامہ نگار) عطائی ڈینٹل ڈاکٹر بیماریاں بانٹنے لگے عوام ہیپٹائٹس سمیت مختلف بیماریوں میں مبتلا ڈپٹی کمیشنر وہاڑی سے نوٹس لینے کا مطالبہ تفصیل کے مطابق اڈا ماچھیوال، پکھی موڑ اور میاں پکھی میں نان کوالیفائیڈ ،انڈر میٹرک عطائی ڈینٹل ڈاکٹروں نے کلینکل کھول رکھے ہیں اور سادہ لوح عوام کو دانتوں کے علاج کے نام پر بھاری فیسیں وصول کر کے بیماریاں بانٹ رہے ہیں اور کے ڈینٹل میں استعمال ہونے والے آلات بھی انتہائی ناقص،جراسیم زدہ اور حفظان صحت کے اصولوں کے مطابق نہ ہوتے ہیں عوام ان نان کوالیفائیڈ ڈینٹل ڈاکٹروں سے علاج کروانے پر مجبور ہیں جس سے وہ مختلف بیماریوں جن میں موزی اور جان لیوا مرض ہیپا ٹا ئٹس و دیگر دوسری بیماریوں میں مبتلا ہو رہے ہیں عوامی و سماجی حلقوں نے ڈپٹی کمیشنر وہاڑی اور محکمہ صحت کے افسران سے فوری نوٹس لینے کا مطالبہ کیا ہے #
ایک عورت کی اچھی تعلیم و تربیت پوری نسل کی تربیت کے مترادف ہے۔ صوفی مسعود احمد صدیقی
پی پی کے کارکنان جمعیت کے شانہ بشانہ انتخابی مہم میں حصہ لیں۔ محراب خان کاکڑ