گجرات (جی پی آئی) ممتاز سماجی و کاروباری شخصیت ڈائریکٹر دیارِ ارقم سکول علی پورہ کیمپس گجرات ، چیئرمین سپورٹس کمیٹی دی ینگ فیلوز لائنز کلب گجرات و چیف ایگزیکٹو فاران الیکٹرونکس اینڈ موٹرز قمر سیالوی روڈ مہر عامر علی کو سٹیزن فرنٹ ضلع گجرات کا نائب صدر مقرر کر دیا گیا اس بات کا اعلان سٹیزن فرنٹ ضلع گجرات کے صدر چوہدری علی ابرار جوڑا نے عہدیداران کی مشاورت سے متفقہ طور کیا۔ سٹیزن فرنٹ ضلع گجرات کے تمام عہدیداران نے مہر عامر علی کو ضلعی نائب صدر بننے پر مبارکباد پیش کی اور اس امر کا اظہار کیا کہ مہر عامر علی سٹیزن فرنٹ کے پلیٹ فارم سے عوام میں اپنے حقوق کے حصول کیلئے شعور بیدار کرنے میں اپنا بھر پور کردار ادا کریں گے۔ اس موقع پر مہر عامر علی نے کہا کہ سٹیزن فرنٹ ضلع گجرات کے صدر چوہدری علی ابرار جوڑا و ضلعی جنرل سیکرٹری عامر چوہدری اور دیگر عہدیداران نے مجھ پر جس اعتماد کا اظہار کیا ہے انشاء اللہ ان کے اعتماد کو ٹھیس نہیں پہنچائوں گا اور سٹیزن فرنٹ کے اغراض و مقاصد کے مطابق سٹیزن فرنٹ کی بہتری اور عوامی شعور کیلئے اپنی تمام صلاحیتیں بروئے کار لائونگا۔ اس موقع پر شیخ عرفان پرویز ‘ چوہدری ندیم طفیل ‘ راجہ محمد اعجاز’ ملک طارق کھوکھر’ مرزا اکبر بیگ برلاس’ چوہدری اورنگزیب ‘ ڈاکٹر رزاق احمد غفاری’ بہادر بھٹی ‘ شاہد پال ولیم’ محمد اشرف منہاس’ افتخار بھٹہ ‘ سید صفدر حسین شاہ’ حاجی طارق سلامت ‘ سلیم خان’ محمد اویس مرزا اور مرزا سجاد حسین بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) راجہ عمر آفتاب کے والد محترم الحاج محمد آفتاب آف راجہ حمام کے ایصال ثواب کیلئے ختم چہلم جنازہ گاہ خواجگان میں منعقد ہوا۔ ممتاز عالم دین روحانی شخصیت صاحبزادہ پیر سید نذر حسین شاہ گجراتی نے خصوصی خطاب کیا اور دعا کی اس موقع پر پیر سید جماعت علی شاہ’ DSP سٹی غلام مصطفی گیلانی’ و دیگر اہم شخصیات کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز ماہر تعلیم شہزاد شفیق نقشبندی نے کہا ہے کہ ڈی ایس پی ٹریفک میاں سہیل فاضل کی خدمات قابل تحسین ہیں۔ وہ گجرات میں ٹریفک کے نظام کو بہتر بنانے کیلئے گرانقدر خدمات سرانجام دے رہے ہیں۔ خصوصاً سکولوں میں چھٹی کے وقت رَش کو کنٹرول کرنے کیلئے وہ اور انکا عملہ تگ و دو کر رہا ہے۔ جس کے لئے ہم انہیں خراجِ تحسین پیش کرتے ہیں ۔ کیونکہ مہذب ٹریفک ،ہی کسی مہذب قوم کی نشانی ہوتی ہے۔ انہوں نے کہا کہ میاں سہیل فاضل جیسے ایماندار اور دیانتدار افسران محکمہ پولیس کا اثاثہ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈائریکٹر دی ایجوکیٹرز بارہ دری کیمپس شہزاد شفیق نقشبندی نے ڈپٹی ایجوکیشن آفیسر رخسانہ قدیر کی والدہ کی وفات پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحومہ کو جنت الفردوس عطا فرمائے اور لواحقین کو صبر جمیل عطا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات میں موسم کے تغیر و بدل نے عوام کے ہوش اُڑا دئیے جبکہ رہی سہی کسر واپڈا والوں نے نکال دی۔ ہر دس منٹ بعد بجلی بند کرنا واپڈا کا وطیرہ بن گیا۔ گرمی اور حبس نے عوام کا جینا محال کر دیا ہے جیسے ہی گرمی کا آغاز ہوتا ہے لوڈ شیڈنگ کے اوقات میں اضافہ کر دیا جاتا ہے۔ عوامی حلقوں نے مطالبہ کیا ہے کہ لوڈ شیڈنگ کے جن کو قابو کیا جائے اور عوام کو ریلیف فراہم کرنے کیلئے بھی کوئی اقدامات کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز نوجوان کاروباری شخصیت شوکت علی ہاشمی (قطر گارمنٹس) کے بھائی رمضان عرف جانی کے ہاں چاند سے بیٹے کی ولادت۔دوست احباب کی مبارکبادیں۔ شوکت علی ہاشمی کو بھتیجے کی مبارکباد پیش کرنے والوں میں ڈی ایس پی لیگل اختر محمود گوندل ، چوہدری مظہر وڑائچ (ریور گارڈرن) ‘سیٹھ یاسر لطیف صراف شامل ہیں۔ دوستوں نے دعا کی ہے کہ اللہ تعالیٰ نومود کو عمر خضر عطا فرمائے اور وہ والدین کا نام روشن کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈپٹی ڈسٹرکٹ ایجو کیشن آفیسر زنانہ میڈم رخسانہ قدیر کی والدہ محترمہ گزشتہ روز انتقال کر گئیں انہیں قادر کالونی میں سپرد خاک کر دیا گیا مرحومہ کی رسم ختم قل ہفتہ کو 10بجے قادری کالونی میں ادا کی جائیگی مرحومہ 1971کی جنگ میں شہید ہونے والے عبدالقدیر کی اہلیہ تھیںاُن کے انتقال کی خبر سنتے ہی محکمہ تعلیم کے آفسران ٹیچرز سیاسی و سماجی شخصیات قادر کالونی پہنچ گئیں۔ مرحومہ کچھ عرصہ قبل علیل تھیں ان کی نماز جنازہ میں ایگزیکٹو ڈسٹرکٹ آفیسر محمد طاہر کاشف ، ڈی ای او سیکنڈری نثار احمد میو ،ڈی ای او ایلیمنٹری محمد پرویز، ڈی ای او زنانہ رفعت النساہ،ڈپٹی ڈسٹرکٹ ایجو کیشن آفیسر چوہدری اورنگزیب ، اسسٹنٹ ڈائریکٹر آغا عبداللہ یوسف ، چوہدری محمد فاروق، سمیت اسسٹنٹ ایجو کیشن آفیسر زنانہ و مردانہ ضلع بھر کے ٹیچرز کے علاوہ گوجرانوالہ بورڈ سے آنے والوں نے بھی شرکت کی۔
پیرمحل کی خبریں 27/8/2015
گجرات کی خبروں کی تصویری جھلکیاں