مصطفی آباد/للیانی (نامہ نگار) رورل ہیلتھ سنٹر مصطفی آباد ڈسپنسروں کے رحم و کرم پر ،ایمرجنسی آنے والے مریضوں کو شدید مشکلات کا سامنا، ایم ایس ودیگر ڈاکٹر اپنے پرائیوٹ ہسپتالوں کو ترجیح دینے لگے، ایک ہفتہ قبل شائع ہونے والی خبروں کا شکار ترجہ چہارم کے ملازم بننے لگے، اعلی حکام سے فوری نوٹس لینے کا مطالبہ، تفصیلات کے مطابق با اثر ذرائع سے معلوم ہوا ہے کہ رورل ہیلتھ سنٹر مصطفی آباد میںتعینات ایم ایس ہسپتال میں ڈیوٹی دینے کی بجائے ہربنس پورہ لاہور میں عرصہ 20 سال قبل بنائے گئے ہسپتال کو ترجیحی دینے لگا، جبکہ ڈاکٹر ایوب بھی لاہور میں اپنے کلینک میں مریضوں کو چیک کرنے میں مصروف ہے ، ہسپتال میں ایمرجنسی آنے والے مریضوں کو شدید مشکلات کا سامنا ہے، گزشتہ روز وڈانہ سے لڑائی میں شدید زخمی ہوکر آنے والے لڑکے کوہسپتال لایا گیا تو کوئی بھی ڈاکٹر موجود نہ تھا جبکہ ڈسپنسر نہ تو ڈاکٹر کو بلا رہا تھا اور نہ ہی ریفر کر رہا تھا، ایم ایس اور ڈاکٹر ایوب کو متعدد بار فون کیا گیا جس پر مذکورہ ڈاکٹروں نے ہسپتال میں آنے کی بجائے ڈسپنسروں کو مریض ریفر کرنے کا کہہ دیا، رورل ہیلتھ سنٹر مصطفی آباد میں دو بجے کے بعد ڈاکٹروں کا ملنا نا ممکن بن چکا ہے کیونکہ ڈاکٹر دو بجتے ہی اپنے ہسپتالوں و کلینکوں کا رخ کر لیتے ہیں، ایک ہفتہ قبل بھی متعدد اخبارات میں ڈاکٹروں کے ڈیوٹی نہ کرنے کی خبریں لگائی گئی تھی لیکن حکام کے کان پر جوں تک نہ رینگی، جبکہ ای ڈی او ہیلتھ قصور نے سارا غصہ ہسپتال کے درجہ چہارم کے ملازمین پر اتار دیا، ایمبولینس کے ڈرائیور کو ہسپتال لاہور ریفر کرنے پر ، مالی اور اس کے ساتھ کو پودے نہ لگانے پر ای ڈی او آفس قصور رپورٹ کرنے کے احکامات جاری کر دئیے گئے، مالی محمد الیاس نے کہا کہ ای ڈی او صاحب نے مجھے کہا کہ پودے کیوں نہیں لگائے جس پر میں نے کہا کہ مجھے پودے مہیا ہی نہیں کئے جا رہے تو میں کہاں سے لگائوں، میں متعدد بار پودوں کا لکھ کر دے چکا ہوں،مجھے پودے مہیا کرنے کی بجائے الٹا ای ڈی او آفس قصور رپورٹ کرنے کا حکم دے دیا گیا ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) پریس کلب مصطفی آباد کا تعزیتی اجلاس صدر محمد عمران سلفی زیر صدارت منعقد ہوا، اجلاس میںسنیئر صحافی محمد ارشد سندھو و سابقہ کونسلر محمد افضل سندھو کے چاچا محمد حنیف کے انتقال کر اظہار افسوس و دعائے مغفرت، تفصیلات کے مطابق پریس کلب مصطفی آباد کا تعزیتی اجلاس صدر محمد عمران سلفی زیر صدارت منعقد ہوا,، اجلاس میںسنیئر صحافی محمد ارشد سندھو و سابقہ کونسلر محمد افضل سندھو کے چاچا محمد حنیف کے انتقال پرشاہد عمر، ارشد علی شامی،چوہدری اصغر علی،ڈاکٹر اصغر علی شہزاد،عمرحیات خاں ،چوہدری ہاشم علی،منیر احمد بھٹی ،رانا توقیر احمد،رانا عرفان احمد،سعید احمدبھٹی،بابا طارق مقبول،محمد جمیل سندھو، چوہدری منظور احمد،سردارہارون اقبال،نویداشرف انصاری ،ارشد علی جوئیہ،ڈاکٹر اسلم انصاری، عبدالقیوم ، حافظ طاہر اقبال ،قیصر عباس ،ڈاکٹر رحمت علی ،عبدالمنان سلفی ،محمد سعید ،محمد اکمل کھوکھر،عبدالرحمان انصاری ،،عمر شاہین، حاجی غلام قادر ،ذوالفقار علی ،محمد بوٹا ساگر،محمد راشد مہناس ودیگر صحافیوں نے گہرے افسوس کا اظہار کرتے ہوئے مرحوم کی مغفرت اور لواحقین کیلئے صبر کی دعا کی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) تیز رفتار موٹر سائیکل کی ٹکر سے تھانہ مصطفی آباد کا اے ایس آئی شدید زخمی، جزل ہسپتال ریفر، موٹر سائیکل سوار موقع سے فرار، مقدمہ درج، تفصیلات کے مطابق تھانہ مصطفی آباد کے اے ایس آئی محمد ارشد بھٹی نے پکی حویلی محمد اسلم انسپکٹر انچارجاج انوسیٹی گیشن ، کانسٹیبلان محمد نعیم اور محمد سلیم کے ہمراہ ناکہ لگا رکھا تھا کہ لاہور کی طرف سے آنے تیز رفتار موٹر سائیکل جس پر دو لڑکے سوار تھے نے ناکہ کے قریب آ کر موٹر سائیکل کو مزید تیز کر دیا اور محمد ارشد اے ایس آئی کو ٹکر مار دی جس کے نتیجہ میں محمد ارشد بھٹی شدید زخمی ہو گیاجس فوری طور پر لاہور ریفر کر دیا گیا، جبکہ موٹر سائیکل سوار لڑکے موقع سے فرار ہو گئے، محمد اسلم انسپکٹر انچارجاج انوسیٹی گیشن کی مدعیت میں مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) ڈینگی لاروے کا اندیشہ ، وڈانہ اور مصطفی آباد کے ٹائر شاپش کے خلاف الگ الگ مقدمات درج، تفصیلات کے مطابق ملک شرافت علی نائب تحصیلدار سرکل مصطفی آباد کی مدعیت میں وڈانہ کے اشتیاق احمد اور مصطفی آباد کے محمد رمضان کے خلاف ٹائر اور پانی کو نہ ڈھاپنے پر دو الگ الگ مقدمات درج کر دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) سرہالی چوک سے منشیات فروش گرفتار، دس لیٹر شراب بر آمد، مقدمہ درج، تفصیلات کے مطابق تھانہ مصطفی آباد کے سب انسپکٹر ضیا الحسن شاہ نے سرہالی چوک سے ذوالفقار علی کو گرفتار کرکے اس کے قبضہ سے دس لیٹر دیسی شراب بر آمد کرکے مقدمہ درج کر لیا۔
افتخار حسین قادری کی تقریب نکاح پر دلہا کا علامہ شبیر عثمانی اور دیگر کے ہمراہ گروپ فوٹو
قصور کی خبریں 11/4/2016