ماہرین نے انکشاف کیا ہے کہ سرخ مرچ میں پایا جانے والا ایک مرکب چھاتی کے سرطان کو روکنے میں بہت مددگار ثابت ہو سکتا ہے۔
بریسٹ کینسر کی کئی اقسام ہیں جن میں ایک ٹرپل نیگٹو بریسٹ کینسر بھی ہے جو بڑی مشکل سے قابو میں آتا ہے اور یہ پاکستان سمیت دنیا بھر کی خواتین کے لیے ایک بھیانک خواب بن چکا ہے لیکن اب ماہرین کا کہنا ہے کہ سرخ مرچوں میں موجود کیپسیسن مرکب اس قسم کے سرطان کو بھی بڑھنے سے روکتا ہے۔
جینیاتی تحقیق سے چھاتی کے سرطان کی کئی اقسام منظرِ عام پر آئی ہیں جنہیں تین ریسپٹرز کی موجودگی یا عدم موجودگی کی بنا پر تقسیم کیا جاتا ہے اور انہیں ایسٹروجن، پروجیسٹیرون اور ایپی ڈرمل گروتھ فیکٹر ریسپٹر ٹو ( یا ایچ ای آر ٹو) کا نام دیا گیا ہے۔
اگر ایچ ای آر ٹو پازیٹو ہو تو اس کا علاج آسان ہوتا ہے اور اس میں دوا بھی اثر کرتی ہے ۔ لیکن اگر ایچ ای آر ٹو نیگٹو ہو تو اس کا علاج مشکل ہوتا ہے اور اسے ہی ٹرپل نیگٹو بریسٹ کینسر کہا جاتا ہے ۔ اس کا علاج کیموتھراپی سے ہی ممکن ہے جو بہت مشکل ہوتا ہے۔
صرف 15 سیکنڈ میں چارج ہو جانے والی الیکٹرک میٹرو بس
کولیسٹرول کیسے کم کیا جائے