وزارت پٹرولیم وقدرتی وسائل اور اوگرا کی جانب سے پرائس میکنزم پر عدم کنٹرول کے باعث مقامی پروڈیوسرز نے ایک بار پھر ایل پی جی کی فی ٹن قیمت ایک ہزار تین سو ساٹھ روپے کا اضافہ کردیا۔
آل پاکستان ایل پی جی ڈسٹری بیوٹرز ایسوسی ایشن کے پیٹرن انچیف عبدالہادی خان نے بتایا کہ پیداواری سطح پر قیمت میں غیرمنصفانہ اضافے کے نتیجے میں ہفتے سے فی کلوگرام ایل پی جی کی قیمت ڈیڑھ روپے، بارہ کلوگرام سلینڈر کی قیمت میں اٹھارہ روپے اور پینتالیس کلوگرام سلینڈر کی قیمت میں اڑسٹھ روپے بڑھ گئی ہے عبدالہادی نے بتایا کہ ملک میں استعمال ہونے والے مختلف ایندھنوں میں ایل پی جی کا حصہ بیس فیصد ہے لیکن ایل پی جی کی قیمتوں میں تواتر کے ساتھ اضافے کے نتیجے میں اب اس کا استعمال محدود ہوگیا ہے۔