پیرمحل (نامہ نگار) آرمی پبلک سکول پشاور کے شہداء کو ہمیشہ یاد رکھیں گے ،بچوں کی شہادت قومی المیہ ہے آرمی پبلک سکول پشاور کا واقعہ قومی سانحہ تھا جس کادکھ ہمیشہ دلوں میں تازہ رہے گا ان خیالات کا اظہار حافظ محمد نجیب اسسٹنٹ کمشنر پیرمحل نے دو سال قبل 16 دسمبر کو آرمی پبلک سکول پشاور میں دہشت گردوں کا نشانہ بننے والے معصوم طالب علموں اور ان کے اساتذہ کی یاد میں تعزیتی پیغام میں کیا انہوںنے کہا آرمی پبلک سکول پشاور کے شہید معصوم بچوں نے نہایت بہادری اور حوصلہ سے پوری قوم کے لیے قربانی دے کر اس قوم ملک اور آنے والی نسلوں کا سر فخر سے بلند کیا ہیملک وقوم کے لئے مستقبل کے ان نونہالوںاور ان کے اساتذہ کی لازوال قربانیوں کو ہمیشہ یاد رکھا جائے گا تعلیم کے زیور سے آراستہ ہونے والے بچوں سے بچھڑنا ملک و قوم اور ان کے والدین کے لئے ایک المیہ ہے انہوںنے کہا زندہ قومیں تاریخ کو یاد رکھتی ہیں سانحہ اے پی ایس پشاور کے بعد قوم ایک مرتبہ پھر یکجا ہو گئی ہیکہ دکھ کی اس گھڑی میں پوری قوم کل بھی متحد تھی اور آج بھی متحدہے اور ہم اظہار یکجہتی کرتے ہوئے اس عزم کو دہراتے ہیں کہ دشمن کے ناپاک عزائم کو ناکام بنائیں گے اور تعلیم کا سفر جاری و ساری رہے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) سرکاری لکڑی چوری کرتے ہوئے روکنے پرحملہ کرکے بلاک آفیسر کو زخمی کرنے پر مقدمہ درج تفصیل کے مطابق چک نمبر723گ ب کے رہائشی محمد رمضان وغیرہ سرکاری لکڑی چوری کررہے تھے محمد عیسیٰ محکمہ جنگلات میں بطور بلاک آفیسر بلاک نمبر 3کمالیہ نے موقع پر لکڑی چوری کرنے سے روکا تو الزام علیہان نے حملہ کرکے مضروب بلاک آفیسر کو زخمی کردیا تھانہ پیرمحل پولیس نے ملزمان کے خلاف زیر دفعہ379/353/186/34ت پ مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) مضر صحت گوشت برآمد ہونے پر قصاب کے خلاف مقدمہ درج تفصیل کے مطابق ویٹرنری ہسپتال پیرمحل ڈاکٹر اسدمون سپرنٹنڈنٹ سلاٹر ہاوس معہ مقبول احمد اسٹنٹ نے دوران چیکنگ قصاب محمد اختر کی دکان پر چھاپہ مارکرمضرصحت 6کلوگوشت برآمد کرکے زیر دفعہ گورنمنٹ آف پنجاب سلاٹرکنٹرول سیکشن 3سب سیکشن 2ایکٹ2016 مقدمہ درج کروادیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) لائوڈ اسپیکر ایکٹ اور وال چیکنگ کی خلاف ورزی کرتے ہوئے موٹرسائیکل رکشہ ڈرائیور گرفتار، وال چیکنگ کی خلاف ورزی پر کالج مالک کے خلاف مقدمہ درج تفصیل کے مطابق تھانہ اروتی میں تعینات محمد عامر Siمعہ ملازمان نے دوران گشت چک نمبر762گ ب ناصر جاویدموٹر سائیکل رکشہ ڈرائیور کو اپنے موٹر سائیکل رکشہ میں اونچی آواز میں ٹیپ ریکارڈر چلا کر لائوڈ اسپیکر ایکٹ کی خلاف ورزی کرتے ہوئے گرفتار کرکے موقع سے ٹیپ ریکارڈر معہ سپیکر و رکشہ قبضہ پولیس میں لے کر زیر دفعہ 6-PSSRترمیمی آرڈیننس 2015 کے تحت مقدمہ درج کرلیا تھانہ اروتی میں تعینات غلام قادر Siمعہ ملازمان دوران گشت سندھیلیانوالی میں مکانات کی مختلف دیواروں پر ہائی کیرئیر کالج عبدالحکیم روڈ ذیشان کالونی سندھیلیانوالی کی وال چاکنگ کی ہوئی ہے جو ملزم وقار نعیم نے کی ہے زیردفعہ 2پنجاب تشہیر ترمیمی آرڈیننس 2015کے تحت مقدمہ درج کرلیا
پیرمحل (نامہ نگار ) دو سال قبل 16 دسمبر کو آرمی پبلک سکول پشاور میں دہشت گردوں کا نشانہ بننے والے معصوم طالب علموں اور ان کے اساتذہ کی یاد میں ”ہم تمہیں نہیں بھولے” کے عنوان سے گورنمنٹ سپیشل ایجوکیشن سنٹر پیرمحل میں تقریب منعقد ہوئی جس میں سپیشل بچوں نے سربراہ بشیر احمد ربانی ، ماہر گفتار عمارہ عمر، اساتذہ سجاد علی، آصف جیلانی اور حمیرہ صدیقہ امین کے ہمراہ عزم کیا کہ ہم ملک دشمن عناصر کے ناپاک عزائم کو کبھی کامیاب نہیں ہونے دیں گے جبکہ معصوم بچوں کو خون میں نہلانے والے دہشتگرد درندوں سے بھی بدتر ہیں۔ انہوں نے کہا کہ ہم سپیشل بچے ملک سے دہشت گردوں کے خاتمہ کے لیے بہادرانہ اقدامات پر اپنی بہادر پاک فوج کو سلام پیش کرتے ہیں۔ سپیشل بچوں نے سربراہ ادارہ اور اساتذہ کے ساتھ مل کر آرمی پبلک سکول پشاور کے شہید طلبہ اور اساتذہ کے لیے فاتحہ خوانی بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) 22کروڑ روپے سے زیر تعمیر پیرمحل رجانہ روڈ کی تعمیر میں ناقص میٹریل کے استعمال کا اے سی پیرمحل اور ڈی سی اوٹوبہ ٹیک سنگھ نے سخت نوٹس لے لیا تفصیل کے مطابق پیرمحل مین رجانہ روڈ کارپٹ روڈ جوکہ 22کروڑ روپے کی خطیر رقم سے ابھی تکمیل کے مراحل میں ہے سڑک کی تعمیر سمیت پلیوں اور لنک روڈ اور پانی کے نکاس کے لیے دونوں اطراف کھال کی تعمیر ابھی بقایا ہے پلیوں میں ناقص میٹریل کے استعمال کے باعث پلیاں ٹوٹنے لگی عوامی حلقوں کے احتجاج پر حافظ محمد نجیب اسسٹنٹ کمشنر پیرمحل اور عامر اعجا زاکبر ڈی سی اوٹوبہ ٹیک سنگھ نے ٹھیکیدار اور ایکسیئن پراونشل ہائی وے اور ایس ڈی او کے خلاف قانونی کاروائی کانوٹس جاری کردیا
پیس ایمبیسڈر ویلفیئر آرگنائزیشن کے تحت شہداء آرمی پبلک اسکول کی یاد میں تقریب کا انعقاد
نیشنل بینک کی کھیلوں میں خدمات بے مثال ہیں۔ کمشنر کراچی اعجاز احمد خان