پشاور (جیوڈیسک) ملک کے بالائی علاقوں میں زلزلے کے جھٹکے محسوس کئے گئے ہیں جس کی شدت ریکٹر اسکیل پر 2 اعشاریہ 6 ریکارڈ کی گئی ہے۔
دوپہر ایک بج کر 50 منٹ پر شانگلہ اور سوات سمیت مالاکنڈ ڈویژن کے مختلف علاقوں میں زلزلے کے جھٹکے محسوس کئے گئے، جس کی شدت ریکٹر اسکیل پر 2.6 ریکارڈ کی گئی، زلزلے کا مرکز بشام سے 27 کلومیٹر دور شمال مغرب میں تھاجب کہ گہرائی 10 کلومیٹر زیر زمین تھی تاہم زلزلے سے کسی قسم کے نقصان کی اطلاع نہیں ملی۔
واضح رہے کہ گزشتہ روز بھی ملک کے بیشتر شہروں میں زلزلے کے جھٹکے محسوس کئے گئے تھے اور ریکٹر اسکیل پر جھٹکوں کی شدت 5.8 ریکارڈ کی گئی تھی۔
سعودی وزیر خارجہ عادل الجبیر کا دورہ پاکستان ملتوی
اورنج لائن میٹرو ٹرین منصوبہ درحقیقت کرپشن لائن منصوبہ ہے، چوہدری پرویز الہی