کون اب ہم کو جگانے آئے

Posted on December 31, 2017 By Majid Khan آپکی شاعری, شاعری

کون اب ہم کو جگانے آئے
زخم سینے کے دِکھانے آئے
ہم تجھے ساتھ رُلانے آئے
چشمِ ساقی نے سہارا جو دیا
تب کہیں ہوش ٹھکانے آئے
سو گئے اوڑھ کے مٹی کی رِدا
کون اب ہم کو جگانے آئے
اِس ہوس کار زمانے میں بھی
ہم تیرا بوجھ اٹھانے آئے
وقتِ رخصت جو کیا تھا وعدہ
وہ تجھے یاد دلانے آئے
میں زمانے سے الجھ سکتا ہوں
تو اگر ساتھ نبھانے آئے
کتنے برباد نظر آتے ہیں
جو تیری بزم سجانے آئے

ساحل منیر