جہلم (پریس ریلیز) صدر پریس کلب جہلم (رجسٹرڈ) ڈاکٹر مظہر اقبال مشر نے عالمی یوم صحافت کے موقع پراپنے بیان میں کہا ہے کہ صحافت معاشرے اور ریاست کا چوتھا ستون ہے، عوامی شعوری بیداری اور آگاہی کیلئے میڈیا کا کردار قابل فخر ہے، لیکن اظہار رائے کی آزادی کے ساتھ ساتھ حقوق و فرائض اور قومی سلامتی کے تقاضوں کو بھی مدنظر رکھا جائے، اہل قلم معاشرتی مسائل کے حل میں اپنا کردار ادا کریں، صحافی اور کالم نگار معاشرے کا حساس طبقہ ہیں جو سماجی اور معاشرتی ناانصافیوں کی نشاندہی کا جہادقلم کے ذریعے کررہے ہیں ، ایسے علاقے جو کہ محرومیوں اور پسماندگی کے شکار ہیں انکو اپنے الفاظ کی شکل دیکر دھرتی ماں کا قرض چکانے کی بھرپور کوشش کررہے ہیں ، ضرورت اس امر کی ہے کہ حکومت اپنے بنائے گئے قوانین پر عمل پیرا ہوکر صحافیوں اور صحافتی تنظیموں کو تحفظ فراہم کرے ، اور اس کیلئے کوئی واضع حکمت عملی تیار کرے ،تا کہ یہ لوگ آزادانہ اپنی صحافتی خدمات سرانجام دے کر عوام تک حقائق پہنچا سکیں ،انہوں نے مزید کہا کہ دنیا بھر میں پاکستان کا شمار صحافیوں کیلئے خطرناک قرار دیا جانا باعث شرم ہے ،ڈاکٹر مظہر مشر نے مزید کہا کہ حکومت کو چاہیئے کہ وہ جلد از جلد ویج بورڈ ایوارڈ کا نفاذ کروائے تاکہ صحافیوں کو انکے بنیادی حقوق اور ضروریات حاصل ہوسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) ڈپٹی چیف آرگنائزر پی ایچ ایم اے پاکستان ڈاکٹر ملک ذوالفقار احمد اعوان نے ضلع گجرات اور جہلم کے میڈیا کوآرڈی نیٹرز کا اعلان کر دیا ، ہومیوپیتھک برادری میں خوشی کی لہر ، ومبارکباد کے پیغامات۔تفصیلات کے مطابق ڈپٹی چیف آرگنائزر پاکستان ہومیو پیتھک میڈیکل ایسویس ایشن ڈاکٹر ملک ذوالفقار احمد اعوان نے پی ایچ ایم اے ضلع جہلم کیلئے ہومیو ڈاکٹر مظہر اقبال مشر اور ضلع گجرات کیلئے ہومیو ڈاکٹر تصور حسین مرزا کو میڈیا کوآرڈی نیٹرز کی ذمہ داریاں سونپ دی ہیں ، چیف کوآرڈی نیٹر ضلع جہلم ہومیو ڈاکٹر ذوالفقار علی چوہدری ، صدر ہومیو ڈاکٹر صفدر برلاس ، جنرل سیکرٹری ہومیو ڈاکٹر ظہور حسین نے اس فیصلے کو خوش آئند قرار دیتے ہوئے پی ایچ ایم اے کی کامیابی قرار دیا ہے ، انہوں نے مزید کہا کہ پی ایچ ایم اے ہومیوپیتھک ڈاکٹرز کی واحد نمائندہ تنظیم ہے جو کہ ہومیو پیتھی اور ہومیو پتھک برادری کی ترقی و ترویج کیلئے کوشاں ہے ، ڈاکٹر تصورحسین مرزا اور ڈاکٹر مظہر اقبال مشر کی شمولیت سے مزید پروان چڑھے گی ، پی ایچ ایم اے کے عہدیداران و ممبران انہیں مبارکباد پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر مظہر مشر
جہلم
فیصل آباد : الائیڈ سکول سرگودھا روڈ کیمپس کی سالانہ تقریب تقسیم انعامات
پڑھو پنجاب بڑھو پنجاب۔۔ تمام سرکاری سکولوں کی مانیٹرنگ اور سہولیات بہتر کر رہے ہیں۔ چوہدری شبیر احمد