راولاکوٹ (نمائندہ خصوصی) ڈاکٹر جان لیتے نہیں بلکہ جان بچانے کی کوشش کرتے ہیں میں نے ہمیشہ ہر مریض مریضہ کی جان بچانے کے لیے ہر ممکن کوشش کی ہے میں اپنے فرض سے غافل نہیں ہوں میرے خلاف اخبارات میں چھپنے والے بیانات سرا سر غلط ہیں لیڈی ڈاکٹر زینب۔ میں مورخہ آٹھ فروری 2018ء کو گائنی وارڈ میں ایوننگ ڈیوٹی پر معمور تھی مجھے عملہ نے بتایا کہ ایک مریضہ جس کا بچہ الٹا ہے اور مریضہ کا رنگ بہت ہی پیلا ہے یعنی خون کی شدید کمی کا شکار ہے مریضہ کا پہلا بچہ بھی پیدا ہوتے ہی فوت ہو گیا تھا میں نے عملہ کو ہدایت کی کہ جب تمام لیبارٹری ٹیسٹ آ جائیں تو مجھے دکھائیں لیبارٹری ٹیسٹ آنے پر میں نے مریضہ کو خون کی شدید کمی کا شکار پایا (اینیمیا) اور سفید خون کی بھی شدید کمی تھی عملہ نے بتایا کے ڈیمانڈ فارم مریضہ کے وارث کو دے دیا گیا ہے لیکن ورثاء خون کا بندوبست نہیں کر رہے میں نے مریضہ اور اس کی ساس کو بلوایا تو وہ مجھے سیدھی سادھی بھولی بھالی خواتین لگیںمیں نے مریضہ کو بولا کے اپنے شوہر کو بلائو مجھے اس کو تفصیل سے آگاہ کرنا ہے اسی اثناء میں میں نے آن کال ڈاکٹرلیڈی ڈاکٹر طاہرہ شاکر کو مریضہ کی رپورٹ سے آگاہ کیا جس پر لیڈی ڈاکٹر طاہرہ شاکر نے کہا کے اگر ورثاء خون کا بندوبست نہیں کر رہے تو مریضہ کو بہتر جگہ ریفر کیا جائے میں نے اپنے dmo)) روم میں مریضہ اور اس کی ساس کی موجودگی میں اس کے خاوند کو تفصیل سے سمجھایا کے بچہ پیدا کرنے کے لیے خون کی مقدار کم از کم/mg 10.0ہونی چاہیے جبکہ مریضہ میں اس وقت خون کی مقدار 4.1/mgہے اس کے علاوہ چونکہ بچہ بھی الٹا ہے اس لیے زیادہ مناسب طریقہ آپریشن کا ہی ہے لیکن سفید خون کی شدید کمی کے باعث آپریشن کرنا بھی نا ممکن ہے آپ خون کا بندوبست بھی نہیں کر رہے تو کیا کیجیے بہتر یہی ہے کے مریضہ کو بہتر جگہ ریفر کیا جائے لہذا آپ کی مریضہ کو میں بی بی ایچ راولپنڈی ریفر کر رہی ہوں مریضہ کے شوہر نے مجھے ایک بار بھی نہیں بتایا کے میں راولپنڈی جانے کی استطاعت نہیں رکھتا یا مجھے وہاں جانے میں کسی اور دشواری کا سامنا ہے میں نے مریضہ کے شوہر اور اس کی ساس کے سامنے دریافت کیا کے آپ کو (زچگی) والی دردیں تو نہیں آ رہی جس پر مریضہ نے صاف انکار کر دیا مریضہ اور اس کا شوہر خود اس وقت وہاں موجود تھے اور وہ اس بات کے گواہ ہیں اگر مریضہ لیبر پین کی شکایت تک کر دیتی تو میں اسے ریفر نہ کرتی یا اگر مریضہ کا شوہر مجھے بتا دیتا کہ میں راولپنڈی جانے سے قاصر ہوں تو میں پروٹوکول کے مطابق (hi risk concent) لے کر اسے بیڈ پر بھیج دیتی ریفر فارم لینے کے بعد مریضہ کے شوہر نے مریضہ کو راولپنڈی کے بجائے گھر لے جانے کو ترجیح دی مریضہ نے ڈاکٹر کو نہیں بتایا کے اسے لیبر پین ہو رہا ہے اور مریضہ کے وارث شوہر نے نہیں بتایا کے وہ راولپنڈی جانے سے قاصر ہے راستے میں ڈیلیوری ہونے کے بعد بھی اگر ورثاء بچے کو فوری طور پر ہسپتال لے آتے تو بھی اس کی جان بچائی جا سکتی تھی کیوں کے ورثاء کے مطابق جہاں بچہ پیدا ہوا وہاں سے گاڑی یا رکشہ کی مدد سے بچے کو صرف ٢منٹ میں ہسپتال پہنچایا جا سکتا تھا لیکن ورثاء نے ایسا کرنا بھی نجانے کیوں مناسب نہیں سمجھا اس طرح مریضہ اور اس کے شوہر کی غلط بیانی اور خاموشی کی وجہ سے ان کا اپنا بچہ دنیا نہیں دیکھ سکابعد ازاں مریضہ کے شوہر نے اخبارات میں میرے خلاف لاپروائی اور غفلت کا الزام لگاتے ہوئے بیانات شائع کروائے کے گویا میری غفلت اور لاپروائی نے ان کے بچے کی جان لی ہے یہی نہیں بلکہ موصوف نے محمد عارف مغل ،نذیر اعوان،زین اکبر،مشتاق اعوان،اکرم اعوان۔ آفتاب اشرف،اور آصف اعوان کو بھی میرے متعلق ایسی ہی کہانی سنائی جس پر ان معززین نے میرے خلاف دخواست برائے کارروائی بنام کمانڈنٹ بھی پیش کی میرا پیشہ جان لینا نہیں جان بچانا ہے جس کی ہم ہر ممکن کوشش کرتے ہیں اور موصوف کی ان حرکات کی وجہ سے میرے پیشے اور فرض شناسی کی توہین ہوئی جس پر میں مناسب قانونی کارروائی کا حق بھی محفوظ رکھتی ہوں لیکن میں نے ایسا کیا ہے اور نہ کروں گی مریضہ اپنا بچہ تو کھو چکی ہے لیکن خود (sever anemia)میں مبتلاء ہے میرے خلاف درخواست برائے کارروائی گزارنے والے معززین سے گزارش کروں گی کے وہ اپنے علاقے کی بہن بیٹی کی صحت کا خیال رکھتے ہوئے اور انسانیت کی اعلیٰ مثال قائم کرتے ہوئے مریضہ کو خون کا عطیہ دیںخون کی بوتلیں لگوانے سے مریضہ کا (hb) بڑھے گا اور وہ آئندہ صحت مند بچہ پیدا کر سکے گی اس کار ثواب سے نہ صرف ان کی مقبولیت میں اضافہ ہو گا بلکہ اللہ تعالیٰ کی بارگاہ میں اجر عظیم بھی ملے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولاکوٹ( نمائندہ خصوصی)
ڈسٹرکٹ بار ایسو سی ایشن راولاکوٹ کو سابق وزیر اعظم آزاد کشمیر اور نامور سیاست دان راجہ ممتاز حسین راٹھور مرحوم کے نام سے منسوب کرنے کی تجویز زرائع نے انکشاف کیا ہے کہ آزاد کشمیر کی سب سے تاریخی بار ایسو سی ایشن ڈسٹرک بار راولاکوٹ کو سابق وزیر اعظم اور معروف ترین قانون دان راجہ ممتاز حسین راٹھور کے نام سے منسوب کر کے راجہ ممتاز حسین راٹھور بار ایسو سی ایشن راولاکوٹ کا نام دیا جائے گا توقع ہے کہ آزاد کشمیر بار کونسل کی منظوری سے اگلے مہینے میں اس کا نوٹفکیشن جاری ہو جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولاکوٹ( نمائندہ خصوصی)
زینب امین انصاری کیس کی طرح چیف جسٹس آف پاکستان سے عارف شاہد کیس میں سوموٹو ایکشن لینے کا مطالبہ حکومت پاکستان اور ذمہ دار اداروں سے بھی زینب کیس کی طرح انصاف کے تقاضے پورے کرنے کا مطالبہ ایک ایسے وقت جب معصوم بچی زینب کے پر اسرار قتل کو حکومت پاکستان ریاستی اداروں کے تعاون سے بے نقاب کر گئی اور درندہ صفت قاتل گرفتار کر لیا گیا چند سال قبل 13 مئی 2013ء کو راولپنڈی کے حساس علاقے اڈیالہ میں پر اسرار طور پر قتل ہونے والے ممتاز کشمیری قوم پرست راہنما سردار عارف شاہد کے قتل پر بھی انصاف کے لیے آواز اٹھ گئی یونائیٹڈ کشمیر جنرنلسٹس ایسو سی ایشن (یکجا) کے کنوئینر آصف اشرف نے جسٹس ثاقب نثار سے مطالبہ کیا ہے کہ وہ اس قتل کا نوٹس لیں چار سال سے اس قتل کی فائل بند پڑی ہے پاکستان کے حساس علاقے میں ہونے والا قتل اور پھر اس پر قانون کا حرکت میں نہ آنا بہت سارے سوالیہ نشان پیدا کیے ہے۔افسوس کا مقام یہ ہے کہ قوم پرستی کا لبادہ اوڑھے کشمیری سیاست کار انا کے خول میں بند ہو کر اس قتل پر چپ سادھے ہیں اور بہت سارے مصلحت کے ساتھ ڈر کے خوف میں چپ ہیں حالات کا تقاضہ ہے کہ ایک انسان کے بلا وجہ قتل پر سکوت توڑا جائے پاکستان کی دوسری بڑی عدالت اسلام آباد ہائی کورٹ نے جب تین سال کے کیس کے باوجود سردار عارف شاہد پر لگائے گئے الزامات مسترد کیے اس کے چند دن بعد ان کا قتل اور چار سال سے خاموشی کوئی معنی نہیں رکھتی آصف اشرف نے توقع کی کہ نا صرف جسٹس ثاقب نثار اس کا نوٹس لیں گے بلکہ پاکستان کی ساری حکومت اور ریاست بھی اپنی ذمہ داریاں پوری کرے گی انہوں نے آزاد کشمیر کے وزیر اعظم راجہ فاروق حیدر کو یاد کروایا کہ وہ بھی اس وقت کیا گیا اپنا وعدہ پورا کرتے اب حکومت پاکستان اور دیگر اداروں سے مل کر اس قتل کو بے نقاب کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولاکوٹ(نمائندہ خصوصی) شہر کے معروف تاجر اور ہر دل عزیز شخصیت غلام نبی (چیف ایگزیکٹو عمر ہوٹل) دل کا دورہ پڑنے سے انتقال کر گئے ان کی موت کی خبر جنگل میں آگ کی طرح پھیل گئی اتوار کے روز انھیں نزد پونچھ یونیورسٹی آبائی قبرستان میں سپرد خاک کر دیا گیا مرحوم کی نماز جنازہ میں مختلف مکاتب فکر کی بڑی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولاکوٹ (نمائندہ خصوصی) ماہر مضمون سید شفقت حسین گردیزی کو نظامت تحْیق و ترقی نصاب میں بطور ڈپٹی ڈائریکٹر اور کشمیر اسائنمنٹ سنٹر میں بطور کو آرڈینیٹر ترقی یاب کیا گیا اس سے قبل وہ ہائیر سیکنڈری سکول علی سوجل میں پرنسپل تھے انھوں نے نئی جائے تعیناتی پر حاضری دے کر چارج سنبھال لیا راولاکوٹ کے سیاسی سماجی حلقوں اور ڈسٹرکٹ پریس کلب کے اراکین نے شفقت گردیزی کو ترقی یابی پر مبارکباد دی ہے اور حکومت آزاد کشمیر کا شکریہ ادا کیا جنھوں نے اہل آفیسر کو ذمہ داری دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولاکوٹ(نمائندہ خصوصی) شہید کشمیر مقبول بٹ بیڈمنٹن ٹورنامنٹ اختتام پذیر ہو گیا ماہ مقبول کے سلسلہ میں راولاکوٹ میں اس ٹورنامنٹ میں بیس ٹیموں نے شرکت کی فائنل میں حامد سعید اور واجد بشیر نے مد مقابل ذوہیب سعید اور حماد پری کو شکست دے کر ٹائٹل اپنے نام کر لیا ٹورنامنٹ کے فائنل کو دیکھنے رات کی سردی میں تماشائیوں سے حال کھچا کھچ بھرا تھا جو مقبول بٹ سے محبت کا والہانہ ثبوت تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس لائین ضلع گجرات میں پانچ روزہ stress Management کورس کروایا گیا
پریس کلب مصطفی آباد کی طرف سے صلح کی کوشش کامیاب