نعرہ زندہ باد کا سر ھو گیا
Posted on April 25, 2012
By Adeel Webmaster
سید ضمیر جعفری
member comittee
نعرہ زندہ باد کا سر ھو گیا
کام اپنا بندہ پرور ھو گیا
جو کمیٹی کا بھی ممبر ھو گیا
وہ بھی تقریبا منسٹر ھو گیا
اک ذرا افسر نے مونچھیں چھوڑ دیں
محکمہ سارا مچھندر ھو گیا
اس کی اردو میں تھی انگریزی بہت
لوگ یہ سمجھے کمشنر ھو گیا
مفلسی میں جس کی داڑھی بڑھ گئی
زینت محراب و ممبر ھو گیا
آپ کچھ شرما کے لیڈر بن گئے
میں ذرا گھبرا کے نوکر ھو گیا
جان محفل تھا خدا بخشے ضمیر
اب تو اک عرصے سے شوہر ھو گیا
سید ضمیر جعفری